نۇرسۇلتان نازارباەۆ: استانانى كىم باسقاراتىنىنا نەمقۇرايلى قاراي المايمىن
پرەزيدەنت نۇرسۇلتان نازارباەۆ استانا قالاسىنىڭ اكتيۆىمەن كەزدەستى. جيىندا مەملەكەت باسشىسى ەلوردانىڭ جاڭادان تاعايىندالعان اكىمى اسەت يسەكەشەۆتى قۇتتىقتاپ, جۇمىسىنا جەتىستىك تىلەدى.
«بۇل قالانى كىم باسقاراتىنىنا مەن نەمقۇرايلى قاراي المايمىن. ول تاجىريبەلى, ءبىلىمدى, قازاقستانعا تانىمال, ەلوردانىڭ مۇددەسىن قورعاي وتىرىپ, ۇكىمەتپەن جۇمىس ىستەي الاتىن ادام بولۋعا ءتيىس. مەن اسەت يسەكەشەۆتى سونداي ادام دەپ ەسەپتەيمىن. بۇگىن ءماسليحاتتىڭ كەلىسىمىمەن تاعايىندالعان جاڭا اكىمدى قۇتتىقتايمىن» دەدى ەلباسى.
كەزدەسۋ الدىندا قالالىق ءماسليحاتتىڭ سەسسياسى بولىپ وتكەن بولاتىن. وندا دەپۋتاتتار استانا قالاسىنىڭ جاڭا اكىمى ءا.يسەكەشەۆتىڭ كانديداتۋراسىن ءبىراۋىزدان ماقۇلدادى.
استانا قالاسىنىڭ اكىمى بولىپ تاعايىندالعانعا دەيىن اسەت ورەنتايۇلى قر ينۆەستيتسيا جانە دامۋ ءمينيسترى لاۋازىمىن اتقارعان.
