استانا كۇنىنە ارنالعان مەرەكەلىك وتشاشۋ قالانىڭ بەس جەرىنەن جارقىرادى.
«حان شاتىر» ساۋدا – ويىن-ساۋىق ورتالىعى جانىنداعى الاڭنان, ەسىل وزەنى جاعالاۋىنان جانە ابىلايحان داڭعىلى مەن پۋشكين كوشەلەرى قيىلىسىنداعى اۋماعىنان كوتەرىلگەن ءتۇرلى-ءتۇستى وتشاشۋ استانا مەرەكەسىنىڭ ايشىقتى كورىنىسى بولدى.
وتانىمىزدىڭ جۇرەگى, تاۋەلسىزدىگىمىزدىڭ تىرەگى بولعان استانا كەشە عانا 18 جىلدىعىن اتاپ ءوتتى. ساۋلەتى مەن داۋلەتى جاراسقان ەلوردامىزدىڭ ءتول مەرەكەسى قالا جۇرتشىلىعى مەن مەيماندارىنا ەرەكشە قۋانىش سىيلادى.
استانا – ەلباسىمىز نۇرسۇلتان نازارباەۆ قازىعىن قاققان قۇتتى قالامىز بارشا قازاقستاندىقتاردىڭ ماقتانىشىنا اينالدى.
استانا – بار قازاققا باس قالاسى ۇلتتىق رۋحىمىزدىڭ قاينار بۇلاعىنا, ازاتتىقتىڭ ايبىندى بويتۇمارىنا, جاسامپازدىقتىڭ اقجولتاي جارشىسىنا اينالدى.
استانا – يننوۆاتسيالىق جاڭالىقتاردى يگەرگەن, يندۋستريالىق وندىرىسكە يكەمدەلگەن, شاعىن جانە ورتا بيزنەسكە قولايلى قالاعا اينالدى.
استانا – تاعدىرلاردى توعىستىراتىن, عاشىقتاردى تابىستىراتىن, جالىنداعان جاستارعا شابىتتاندىراتىن ارمان قالاعا اينالدى.
استانا – ونەر مەن مادەنيەتتىڭ ورەلى ولكەسىنە, سپورت پەن سالاۋاتتى ءومىردىڭ قالىپتاسقان وڭىرىنە اينالدى.
استانا – بىرلىك پەن بەرەكەنى ەسەلەگەن, ەرلىك پەن ەڭبەكتى قاستەرلەگەن, الەم تانىعان بەيبىتشىلىك قالاسىنا اينالدى.
استانا – تورتكۇل دۇنيە كوز تىككەن, حالىقارالىق ارەنادا ابىرويى اسقاقتاعان ارۋ قالاعا اينالدى.
استانا – ەلباسىنىڭ ورىندالعان ارمانى, بار قازاقتىڭ قۇت قونعان شاڭىراعى.
مارتەبەڭ بيىكتەپ, مەرەيىڭ وسە بەرسىن, ەل جۇرەگىنە اينالعان, ارمان قالا – استانا!
استانانىڭ تۋعان كۇنى, قۇتتى بولسىن, اعايىن!
عالىم قوجابەكوۆ
