س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە اقيىق اقىن, كورنەكتى مەملەكەت قايراتكەرى س.سەيفۋلليننىڭ 120 جىلدىعىنا ارنالعان «سەيفۋللين وقۋلارى – 10: مەملەكەتتىڭ يندۋستريالدى-يننوۆاتسيالىق ساياساتىن قۇرۋداعى باسەكەگە قابىلەتتى كادرلاردى دايارلاۋ كەلەشەگى مەن عىلىمنىڭ ءرولى» اتتى حالىقارالىق عىلىمي-تەوريالىق كونفەرەنتسياسى ءوتتى.
جيىندا ەلدىڭ اگرارلىق-ونەركاسىپتىك كەشەنىن دامىتۋدىڭ يندۋستريالىق-يننوۆاتسيالىق جولدارى, عىلىم مەن ءبىلىم سالاسىنداعى زەرتتەۋ ۋنيۆەرسيتەتتەرىن قۇرۋ ماسەلەسى توڭىرەگىندە اڭگىمە ءوربىدى.
كونفەرەنتسيادا ۋنيۆەرسيتەت رەكتورى, پروفەسسور اقىلبەك كۇرىشباەۆ ءوزىنىڭ «زەرتتەۋ ۋنيۆەرسيتەتىنە ترانسفورماتسيالاۋداعى العاشقى قادامدار» اتتى بايانداماسىندا ۋنيۆەرسيتەتتىڭ بولاشاقتاعى دامۋ باعىتتارىنا توقتالدى. اتاپ ايتقاندا, ەۋرازيا كەڭىستىگىندە ءوزىنىڭ عىلىمي جاڭالىقتارىمەن تانىلعان ۋنيۆەرسيتەتتىڭ بيىل ۆ.ي.بليننيكوۆ اتىنداعى التىن مەدالدى يەلەنىپ وتىرعانىن, سونداي-اق مۇندا كوپ ءتىلدى ءبىلىم بەرۋ ءۇردىسى جان-جاقتى قولعا الىنعانىن مالىمدەدى. پروفەسسورلىق-وقىتۋشىلىق قۇرامىنىڭ دا بىلىكتىلىگىن كوتەرۋ باعىتىندا جۇمىستار جاسالىپ جاتقانىن جاريالاعان ۋنيۆەرسيتەت رەكتورى «بولاشاق» باعدارلاماسىمەن 45 ۇستازدىڭ بىلىكتىلىگىن كوتەرىپ, الەمگە تانىمال عىلىمي-زەرتتەۋ ينستيتۋتتارىندا تاجىريبە الماسىپ جاتقانىن باياندادى.
وسى جيىن بارىسىندا قر اۋىل شارۋاشىلىق ءمينيسترىنىڭ ورىنباسارى ەرلان نىسانباەۆ قازاقستاننىڭ اگروونەركاسىپتىك كەشەنىن دامىتۋدىڭ كەلەشەگى تۋرالى اڭگىمەلەدى. ەۋرازيا ۇلتتىق ۋنيۆەرسيتەتىنىڭ رەكتورى ە.سىدىقوۆ س.سەيفۋلليننىڭ 120 جىلدىعىنا وراي تانىمال ساكەنتانۋشىلاردىڭ زەرتتەۋ جۇمىستارىنا توقتالا كەلە, ۋنيۆەرسيتەتكە جاڭادان تابىلعان ساكەن قولجازباسىنىڭ تۇپنۇسقاسىن تارتۋ ەتتى.
كونفەرەنتسيا بارىسىندا مەملەكەتىمىزدىڭ اگروونەركاسىپتىڭ كەشەنىن يندۋستريالىق-يننوۆاتسيالىق دامىتۋ جايىندا گەرمانيا, پولشا, يتاليا, ەستونيادان كەلگەن تانىمال ماماندار مەن وتاندىق عالىمداردىڭ دا سۇبەلى باياندامالارى تىڭدالدى.
ءنازيرا بايىربەك
