استانادا «بولاشاق ەنەرگياسى: ادامزاتتىڭ باستى ماسەلەسىن شەشۋ جولدارى» تاقىرىبىندا عىلىمي كونفەرەنتسيا ءوتتى. القالى باس قوسۋدا قازاقستاننىڭ ەنەرگەتيكا سالالارىنىڭ قازىرگى جاعدايى مەن ەلىمىزدە ەنەرگيانىڭ بالاما كوزدەرىن دامىتۋ كەلەشەكتەرى تۋرالى سان الۋان وي-پىكىرلەر ايتىلدى.
كونفەرەنتسياعا تەحنيكالىق جوعارى وقۋ ورىندارىنىڭ ستۋدەنتتەرى, نازارباەۆ زياتكەرلىك مەكتەپتەرىنىڭ وقۋشىلارى, ەنەرگەتيكا سالاسىنداعى جەتەكشى ساراپشىلار قاتىستى.
قازاقستاندىق ەنەرگيا ۇنەمدەۋ مەن ەنەرگيا تيىمدىلىگى عىلىمي-زەرتتەۋ ينستيتۋتىنىڭ ديرەكتورى ە.بۇكسىكباەۆ جاڭارتىلاتىن قۋات كوزدەرىنىڭ دامۋ كوكجيەكتەرى جونىندە اڭگىمە ءوربىتتى.
ونىڭ سوزىنە قاراعاندا, قازاقستاندا جەل ەنەرگياسى مەن شاعىن سۋ ەلەكتر ستانساسىنان الىناتىن ەنەرگيانى دامىتۋدىڭ بولاشاعى زور. سونىمەن قاتار, تەوريا جۇزىندە ءىرى سەس-تەن 5 ملرد كۆت/ساع ەنەرگيا الۋعا بولادى.
جالپى, كونفەرەنتسياعا قاتىسۋشىلار قازىر الەمدە ءداستۇرلى ەنەرگيانى دامىتۋ جاعدايىندا قازاقستاندا جاڭارتىلمالى كوزدەردەن ەنەرگيا الۋدى دامىتۋ قارقىنىن ارتتىرۋ كەزەك كۇتتىرمەيتىن ماسەلە دەگەن توقتامعا كەلدى.
جۇما عازيەۆ
