«ساررا» دراماسى – ساحنادا
ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى ساحناسىندا مامىردىڭ 17-18 كۇندەرى كەزەكتى پرەمەرا وتەدى. بۇل جولى قاللەكيلىكتەر قر ەڭبەك سىڭىرگەن قايراتكەرى, جازۋشى-دراماتۋرگ, حالىقارالىق «الاش» ادەبي سىيلىعىنىڭ لاۋرەاتى روزا مۇقانوۆانىڭ «ساررا» دراماسىن ۇسىنادى.
قويىلىمدى استاناعا ارنايى شاقىرتىلعان قر ەڭبەك سىڭىرگەن قايراتكەرى, اقتاۋ قالالىق ن.جانتورين اتىنداعى قازاق مۋزىكالىق دراما تەاترىنىڭ كوركەمدىك جەتەكشىسى جانە رەجيسسەرى گۇلسينا مەرعاليەۆا ساحنالادى.
درامانىڭ باس كەيىپكەرى ساررانىڭ بەينەسىنە كەلسەك, ول – ۇرپاق جالعاستىعى ءۇشىن ءوزىنىڭ اتاق-داڭقىن دا, ماحابباتىن دا قۇربان ەتكەن ايەل. قويىلىمدا ساررانىڭ وسى جولداعى جان ازابى مەن ايەلدىك قىزعانىش ورتىنە تۇسكەن دەرتى سۋرەتتەلەدى.
«ءبىز – از حالىقپىز, بىزگە كوبەيۋ كەرەك. بابالاردان قالعان كەڭ-بايتاق جەرگە ەشكىم كوز الارتپاۋ ءۇشىن ءوز جەرىمىزگە ءوز ۇرپاعىمىز يە بولۋى قاجەت». باس كەيىپكەر وسى سوزدەردى ۇستانادى.
سپەكتاكلدە «ساررانى» ءۇش اكتريسا – قر ەڭبەك سىڭىرگەن قايراتكەرى ءلايلا بەكنازار-حانينگا, قازاقستان جاستار وداعى سىيلىعىنىڭ لاۋ-رەاتى مايرا ومار جانە سايا توقمانعاليەۆا سومدايدى. اجار بەينەسىندە اينۇر بەرمۇحامبەتوۆا, گاۋھار ءجۇسىپوۆا, التىنگۇل سەركەباەۆا كورىنەدى.
امانعالي قالجانوۆ