قارۋلى كۇشتەردىڭ مەملەكەتتىك اسكەري-تاريحي مۇراجايىندا «Tayelsiz Qazaqstannyn Halyq Batyrlary» قوعامدىق قورىنىڭ ۇيىمداستىرۋىمەن جاڭا جۋرنالدىڭ تانىستىرىلىمى ءوتتى.
رلىگىمەن, ەرەن ەڭبەگىمەن تانىلعان تۇلعالار ءومىرىن ناسيحاتتايتىن «حالىق باتىرلارى» جۋرنالى ازىرگە ءۇش ايدا ءبىر رەت جارىق كورەدى, ال الداعى جىلدان باستاپ اي سايىن شىعۋى جوسپارلانىپ وتىر.
بىرلەستىك باسشىسى باقىتجان ەرتاەۆتىڭ ايتۋىنشا, جۋرنال باتىرلار مەن وسكەلەڭ جاستار اراسىنداعى كوپىر ىسپەتتى. قوعامدىق بىرلەستىكتىڭ نەگىزگى ماقساتى – «حالىق قاھارماندارى» مەن «ەڭبەك ەرلەرىنىڭ» ءومىرىن, ەڭبەگىن زەردەلەۋ, قامتۋ جانە ناسيحاتتاۋ نەگىزىندە ۇلتتىق تاريحي مادەنيەت پەن جاستاردى پاتريوتتىق تاربيەلەۋدى قالىپتاستىرۋ بويىنشا قوعام مەن مەملەكەتتىڭ كۇش-جىگەرىن بىرىكتىرۋ. ەلىمىز ەگەمەندىك العان كۇننەن باستاپ بۇگىنگە دەيىن «حالىق قاھارمانى» اتاعىن العانداردىڭ سانى – 34, «ەڭبەك ەرى» اتاعىن العانداردىڭ سانى – 48.
«وسىنداي ەرلىك پەن ەڭبەكتى ناسيحاتتايتىن ءبىر باسىلىم شىعارۋ مەنى كوپتەن بەرى مازالاپ جۇرگەن. ەل, اسىرەسە جاستار قاھارماندارىن, باتىرلارىن, قۇرمەتتى ازاماتتارىن, تانىمال تۇلعالاردى, ولاردىڭ وزىق ويىن, تاجىريبەسىن, قاجىرلى ەڭبەگىن ءبىلۋى ءتيىس. ولاردان ەلىن, جەرىن ءسۇيۋدى, ءتارتىپتى, ەڭبەك ەتۋدى ۇيرەنۋى كەرەك. سوندىقتان كوپ ويلانىپ, كوپتەگەن كىسىمەن اقىلداسا كەلىپ, وسىنداي جۋرنالدى شىعارۋدى تۇيىندەدىك. وسىلايشا بۇل باسىلىم دا وتاندىق ءپاتريوتيزمدى دامىتۋعا وزىندىك ۇلەس قوسادى دەپ ويلايمىز» دەدى حالىق قاھارمانى, «Tayelsiz Qazaqstannyn Halyq Batyrlary» قوعامدىق قورىنىڭ باسشىسى باقىتجان ەرتاەۆ تۇساۋكەسەر راسىمىندە.
