جەڭىستىڭ 71 جىلدىعىنا وراي ۇلتتىق اكادەميالىق كىتاپحانادا جاستاردىڭ كورمەسى اشىلدى.
شارانىڭ سالتاناتتى اشىلۋ راسىمىنە ەلورداداعى سوعىس ارداگەرلەرى مەن تىل ەڭبەككەرلەرى شاقىرىلدى. ەۇۋ پرورەكتورى ديحان قامزابەكۇلى «جەڭىس – ماڭگى ۇمىتىلمايتىن باقىتتى كۇن. قازاقستاندىقتاردىڭ تىلدا جۇمىس ىستەپ, فاشيزمگە قارسى شايقاسقان بابا ەرلىگىن جاس ۇرپاققا جىرلاۋ – مىندەتىمىز» دەي كەلە مايدانگەرلەردى ايتۋلى مەرەكەمەن قۇتتىقتادى.
كورمەگە قويىلعان 39 جۇمىس – ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ديزاين جانە ينجەنەرلىك گرافيكا ماماندىعى بويىنشا ءبىلىم الاتىن ستۋدەنتتەردىڭ جەكە شىعارماشىلىعى. كارتينا, ينستاللياتسيا, پلاكات تۇرلەرى وتان ءۇشىن كۇرەس, باتىرلار ەرلىگى, شايقاستاعى شەرلى تاعدىرلار, جەڭىس كۇنىن اڭساۋ سىندى تاقىرىپتاردى قامتىعان.
استانالىقتار مەن قالا قوناقتارى ءۇشىن كورمە 15 مامىرعا دەيىن جالعاسادى.
ءمادينا جاقىپ
