قازاقستاندا بۇگىنگى تاڭدا بالالى وتباسىلاردى كەشەندى قولداۋ باعدارلاماسى بار, ول مەملەكەتتىك جاردەماقىلار, الەۋمەتتىك تولەمدەر, جۇمىسپەن قامتۋعا جاردەمدەسۋ جونىندەگى شارالار مەن سالىق سالۋ كەزىندەگى جەڭىلدىكتەر جۇيەسىن قامتيدى. بىراق جاھاندىق ەكونوميكانىڭ اسەرىن, ينفلياتسيالىق ءۇردىستەردى, ۋربانيزاتسيانى ەسكەرە وتىرىپ, قولدا بار قولداۋ كولەمى پىسىقتالىپ, كەڭەيتىلۋى ءتيىس.
بۇگىن الەۋمەتتىك قولداۋ 5 ساناتتاعى وتباسىلارعا كورسەتىلەدى: 1 جاسقا دەيىنگى بالالارى بار انالار مەن وتباسىلارعا, كوپبالالى وتباسىلارعا, مۇگەدەك بالالارى بار وتباسىلارعا, جاعدايى تومەن وتباسىلارعا, اسىراۋشىسىنان ايىرىلعان جانە بالالاردى قامقورلىعىنا العان وتباسىلارعا.
قازاقستاندىق جۇيە ادام ءومىرىنىڭ بارلىق كەزەڭىندە بىرقاتار قولداۋ شاراسىن قاراستىراتىنىن مويىنداۋ كەرەك. تولەمدەر مولشەرى ۇلعايتىلىپ, الۋ جۇيەسى جەڭىلدەتىلگەن. بارلىق الەۋمەتتىك تولەم جىلدا ينفلياتسيا دەڭگەيىنە يندەكستەلەدى. جالپى, انا مەن بالانى الەۋمەتتىك قورعاۋ شەڭبەرىندە قابىلدانىپ جاتقان شارالار, ءتىپتى قازىرگى تومەن مولشەرلەردە دە ەل حالقىنىڭ دەموگرافيالىق وسۋىنە وڭ اسەرىن تيگىزدى. ۇكىمەت جانىنان قۇرىلعان جۇمىس كوميسسياسىنىڭ باستامالارىن قولايلى ىسكە اسىرۋ كەزىندە ءبىز حالىقتىڭ ءوسۋى بويىنشا دىتتەگەن ناتيجەنى الامىز دەپ ويلايمىن. سوڭعى 10 جىلدا تۋ كورسەتكىشى 10%-عا ارتتى.
