[wppa type=»slideonly» album=»17″ size=»590″][/wppa]
ءار جىلدا جاڭا جىلدى اسىعا كۇتەتىن بالاقايلار ءۇشىن بيىلعى پرەزيدەنت شىرشاسى شىنىمەن دە عاجايىپقا تولى بولدى.
بىلتىر ەلباسىنىڭ قۇتتىقتاۋىمەن الىپ شىرشانىڭ شىراعىن جاعىپ, شىرايىن كەلتىرۋگە 150 ءبۇلدىرشىن قاتىسسا, بيىلعى تەاترلاندىرىلعان تاماشا شوۋدى قىزىقتاۋعا 9-13 جاس ارالىعىنداعى ەكى ءجۇز بالا جينالعان. ولاردىڭ ءجۇز ون جەتىسى – جەتىم بالالار مەن اتا-اناسىنىڭ قامقورلىعىنسىز قالعاندار. ەلۋ ءۇشى – كوپ بالالى جانە الەۋمەتتىك جاعدايى تومەن وتباسى بالالارى مەن وقۋ وزاتتارى. ءارتۇرلى يگى باستامالارىمەن تانىلىپ جۇرگەن دارىندى وقۋشىلار اياز اتا مەن اقشاقاردىڭ مەيىرىمىنە, الدار كوسەنىڭ قىزىقتى ويىندارىنا, قاراشاش, جەزتىرناق, كۇنەكەي جانە باسقا دا ەرتەگى كەيىپكەرلەرى قاتىساتىن قويىلىمدارعا ءتانتى بولىپ, وزدەرىنىڭ دە ونەرلەرىن تاسادا قالدىرمادى. وقۋشىلار سارايىنىڭ ءانشى-ءبيشى ءبۇلدىرشىندەرىنىڭ ونەرلەرى بارشا دوستارىنىڭ كوڭىلىنەن شىققانداي-اق. عاجايىپقا تولى جاڭاجىلدىق مەرەكەنى جاستار تەاترى ءارتىستەرىنىڭ «اق قۇس تۋرالى اڭىز» قويىلىمىمەن, ەلباسىنىڭ ارناۋلى سىيلىقتارىن تابىستاۋمەن قورىتىندىلادى.
نۇرگۇل مالتىك
