ۇلت اسپاپتارىن ۇلىقتايدى
كەشە ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ساحناسىندا جاس ورىنداۋشىلار بايقاۋى باستالدى.
بايقاۋ دومبىرا, قىلقوبىز, پريما جانە جەتىگەن نوميناتسيالارى بويىنشا وتەدى. «بايقاۋ شىعارماشىل جاستاردى قولداۋعا, ۇلتتىق سالت-داستۇرلەرىمىزدى نىعايتۋعا باعىتتالعان. سونىمەن قاتار, بۇل ەلوردالىق تالانتتى جاستاردى انىقتاۋدىڭ جاقسى مۇمكىندىگى» دەيدى استانا قالاسىنىڭ جاستار ساياساتى ماسەلەلەرى باسقارماسى باسشىسىنىڭ مىندەتىن اتقارۋشى ەربول رىسپاەۆ.
بايقاۋعا 14 پەن 25 جاس ارالىعىنداعى ونەرپازدار قاتىسىپ, ۇلتتىق اسپاپتاردا ويناۋ شەبەرلىگىن كورسەتەدى. ال كونكۋرستىڭ ءوزى ۇرپاق تاربيەسى, كەلەشەك ۇرپاققا ۇلتتىق سالت-داستۇرلەردى كەڭىنەن ناسيحاتتاۋ جانە ۇرپاقتار ساباقتاستىعى بويىنشا وتەتىن ءىس-شارالار اياسىندا ۇيىمداستىرىلادى.
بۇركىت نۇراسىل