«استانا – جاڭا قالا» اەا «Led System Media» كومپانياسىنىڭ اۋماعىندا «ەكسپو-2017» اياسىندا قازاقستان رەسپۋبليكاسىنىڭ 2013-2017 جىلدارعا ارنالعان تازا ەنەرگيا كوزدەرىن جاساۋ» جونىندەگى عىلىمي-تەحنيكالىق باعدارلاماسى بويىنشا جۇزەگە اسىرىلىپ جاتقان جاڭا جوبالاردىڭ تانىستىرىلىمى ءوتتى.
قازاقستان رەسپۋبليكاسى ءبىلىم جانە عىلىم مينيسترلىگى قارجىلاندىراتىن بۇل جوبالاردى «پاراسات» ۇلتتىق عىلىمي-تەحنولوگيالىق حولدينگى جۇزەگە اسىرۋدا. وسىلايشا, قازاقستاندىق عالىمدار جاڭا يننوۆاتسيالىق جوبالاردى ازىرلەۋمەن اينالىسا باستادى. مامانداردىڭ مالىمدەۋىنشە, بۇل جاڭا, ەكولوگيالىق تازا جانە جاڭارتىلاتىن ەنەرگيا كوزدەرىن الۋعا مۇمكىندىك بەرەدى.
اتالمىش شارا بارىسىندا جاڭعىرمالى جانە بالامالى ەنەرگەتيكا, ەنەرگيا ۇنەمدەۋ, ەنەرگيا تيىمدىلىگى, سونداي-اق گولوگرافيا سالاسىندا مۋلتيمەديانى تارتۋ ارقىلى ماكەتتەر مەن قولدانىستاعى قوندىرعىلار كوپشىلىك نازارىنا ۇسىنىلدى. بۇل رەتتە كورمەگە قاتىسۋشىلار كۇن, جەل جانە سۋتەگى ەنەرگەتيكاسى بويىنشا, سونىمەن بىرگە گەوتەرمالدىق سۋلار بويىنشا جۇزەگە اسىرىلىپ جاتقان جوبالارمەن تانىسۋعا مۇمكىندىك الدى. اتالمىش جوبالاردىڭ ەرەكشەلىگى: ولار قالانىڭ ەكولوگيالىق احۋالىن جاقسارتىپ قانا قويمايدى, سونىمەن بىرگە تۇرعىنداردىڭ ءومىر ءسۇرۋ ساپاسىن دا ارتتىرادى. جوبالاردىڭ بارلىعى «ەكسپو-2017» كورمەسىندە كوپشىلىك نازارىنا ۇسىنىلادى.
گۇلبارشىن وكەشقىزى
