وتان قورعاۋشىلار مەموريالىنداعى وتان-انا مونۋمەنتىنىڭ الدىندا ازاماتتىق-پاتريوتتىق اكتسيا ءوتىپ, جينالعاندار بەيبىتشىلىك بەلگىسى رەتىندە اسپانعا 25 اق كوگەرشىن ۇشىردى.
وسىدان 23 جىل بۇرىن ەلباسىنىڭ جارلىعىمەن يادرولىق سىناق الاڭىنا اينالعان سەمەي پوليگونى جابىلدى. ءدال سول كۇن, ياعني – 29 تامىز 2009 جىلى بىرىككەن ۇلتتار ۇيىمىنىڭ شەشىمىمەن حالىقارالىق يادرولىق سىناقتارعا قارسى ءىس-قيمىل كۇنى بولىپ بەكىتىلگەن بولاتىن. قالالىق «دزيۋدو ارداگەرلەرى فەدەراتسياسى» قوعامدىق بىرلەستىگىنىڭ, «نۇر وتان» پارتياسىنىڭ استانا قالالىق فيليالى مەن الماتى اۋدانى اكىمدىگىنىڭ ۇيىتقى بولۋىمەن ۇيىمداستىرىلعان شارانىڭ باستى ماقساتى – حالىق قاسىرەتىن توقتاتقان وسى ەكى تاريحي داتانى ەسكە الىپ, جاس ۇرپاقتى بىرلىككە باۋلۋ. مەكتەپكە دەيىنگى مەكەمەلەردىڭ 5-6 جاسار تاربيەلەنۋشىلەرى مەن سول بۇلدىرشىندەردىڭ اتا-انالارى جاپونيانىڭ قازاقستانداعى ەلشىسى كاموحارا ماساەسي, ونكولوگيالىق ديسپانسەردىڭ باس دارىگەرى مۇحتار تولەۋتاەۆ, بەلگىلى مادەنيەت قايراتكەرى حاسەن اباەۆ باستاعان بىرقاتار ازاماتتاردىڭ پوليگون زارداپتارى جايلى تاريحي فاكتىلەرگە تولى اڭگىمەلەرىن تىڭدادى.
اشىق اسپان استىندا وتكەن جارقىن كۇننىڭ شاراسى سوڭىندا اق كوگەرشىندەر بيىككە ۇشىرىلدى.
ءمادينا جاقىپ
