جۇقپالى اۋرۋلاردىڭ جولى كەسىلەدى
دۇنيە جۇزىندە ادامداردىڭ ءتۇرلى جۇقپالى اۋرۋلارعا ۇشىراۋى جيىلەپ كەتكەنىن ەسكەرە وتىرىپ, جاقىندا قردسم مسەقك كولىكتەگى دەپارتامەنتى استانا قالاسى دەنساۋلىق ساقتاۋ باسقارماسى, قر دسم مسەقك استانا قالاسى بويىنشا دەپارتامەنتى, شەكارا قىزمەتى, كولىكتەگى جەلىلىك ىشكى ىستەر ءبولىمى, استانا قالاسى حالىقارالىق اۋەجاي قىزمەتتەرىمەن بىرلەسە وتىرىپ, پاندەميالىق تۇماۋ اكەلىنگەن جاعدايدا ونىڭ الدىن الىپ, ەپيدەمياعا قارسى شۇعىل شارالاردى ۇيىمداستىرۋ جانە وتكىزۋ جونىندە وقۋ-جاتتىعۋ جۇمىستارىن جۇرگىزدى.
تۇماۋ ۆيرۋسىنىڭ جوعارى كونتاگيوزدىق جانە ەپيدەميالىق تارالۋ بەيىمدىلىگىن, سونىمەن قاتار جىلدام قوزعالاتىن قۇرالداردىڭ دامۋى مەن حالىقتىڭ جوعارى كوشى-قون جاعدايىن ەسكەرە وتىرىپ, قازىرگى كەزدە ۆيرۋستى ەتيولوگيا جۇقپالارىنىڭ, ونىڭ ءىشىندە پاندەميالىق تۇماۋدىڭ ەنۋ مۇمكىندىگى ايقىندالعان.
2012-2013 جىلى ەپيدەميولوگيالىق مەرزىم باستالعاننان بەرى قازاقستان رەسپۋبليكاسى دەنساۋلىق ساقتاۋ مينيسترلىگى مەملەكەتتىك سانيتاريالىق-ەپيدەميولوگيالىق قاداعالاۋ كوميتەتىنىڭ مالىمەتتەرىنە سايكەس, رەسپۋبليكادا 340 تۇماۋ اۋرۋى تىركەلگەن, ولاردىڭ ىشىندە ا/H3N2 (237 جاعداي) جانە ۆ (88) كوپ كەزدەسەدى. بۇدان باسقا رەسپۋبليكادا «شوشقا» تۇماۋىنىڭ 11 وقيعاسى ءتىركەلگەن.
استانا قالاسى اۋەجايىنا الىس جانە جاقىن شەتەلدەردەن اپتا سايىن حالىقارالىق رەيستەرمەن 7800-دەن اسا جولاۋشى كەلەدى, ولاردىڭ ىشىندە ەكى مىڭدايى قاۋىپتى جۇقپالى اۋرۋلار ءتىركەلگەن وڭتۇستىك-شىعىس ازيا ەلدەرىنەن كەلەدى.
اۋە كەمەسى بورتىندا پاندەميالىق تۇماۋ جاعدايى تۋىنداعان كەزدە مەملەكەتتىك سانيتارلىق-ەپيدەميولوگيالىق قاداعالاۋ ورگاندارىنىڭ, استانا قالاسىنىڭ مەديتسينا مەكەمەلەرىنىڭ, استانا قالاسى حالىقارالىق اۋەجاي قىزمەتتەرىنىڭ ءازىرلىكتەرى ارنايى وقۋ-جاتتىعۋلار ارقىلى باعالانادى. وقۋ-جاتتىعۋ جۇمىسى بارىسىندا كارانتيندىك نەمەسە اسا قاۋىپتى جۇقپالارعا, سونىڭ ءىشىندە پاندەميالىق تۇماۋعا ۇشىراعان ناۋقاس انىقتالعان كەزدە بارلىق مۇددەلى قىزمەتتەردىڭ ءتيىستى تاكتيكالىق ارەكەت ەتۋ ماسەلەلەرى بويىنشا جۇمىستار اتقارىلدى.
راۋشان مۇقاليەۆا