تۇرعىن ءۇي-كوممۋنالدىق شارۋاشىلىق سالاسىندا بولىپ جاتقان وزگەرىستەر قاراپايىم پاتەر يەلەرىن قاتتى الاڭداتىپ وتىر. كوندومينيۋمدى باسقارۋدىڭ ادەتتەگى نىساندارىنىڭ ورنىنا مۇلىك يەلەرىنىڭ بىرلەستىكتەرى قۇرىلا باستاعالى بەرى ولاردى تولعاندىرعان سۇراقتار از ەمەس. AMANAT پارتياسى استانا قالالىق فيليالى جانىنداعى پارتيالىق باقىلاۋ كوميسسياسى وتكىزگەن كەزدەسۋ بارىسىندا ءدال وسى ماسەلەلەر كەڭىنەن ءسوز بولدى.
ميب توراعالارى مەن تۇرعىن ءۇي ورتالىعىنىڭ وكىلدەرى قاتىسقان ءىس-شارا بارىسىندا ورتالىق ماماندارى تۇرعىن ءۇي قاتىناستارى جانە كوپپاتەرلى تۇرعىن ۇيلەردى باسقارۋ بويىنشا نەگىزگى سۇراقتارعا جاۋاپ بەردى, سونداي-اق قوناقتاردى ورتالىقتىڭ اتقارىپ جاتقان جۇمىستارىمەن جانە الداعى جوسپارلارىمەن تانىستىردى.
پيك پەن ميب-ءتىڭ ايىرماشىلىعى دا, ارتىقشىلىقتارى بار. كەزدەسۋگە قاتىسقاندار وسى ماسەلەنى جان-جاقتى تالقىلاپ, ءىس-شارا بارىسىندا استانالىق ميب توراعالارى وڭ تاجىريبەلەرىمەن ءبولىستى.
جالپى, باس قالادا مەنشىك يەلەرىنىڭ ورتالىعى 2020 جىلدان باستاپ جۇمىس ىستەيدى. ۆەدومستۆو قالا تۇرعىندارىنا كوپپاتەرلى تۇرعىن ۇيلەردى باسقارۋ جانە كۇتىپ ۇستاۋ بويىنشا سۇراقتارعا جاۋاپ ىزدەۋدە جانە ميب قۇرۋ مەن تىركەۋ ءۇشىن قۇجاتتاردى دايىنداۋعا كومەك كورسەتەدى. سونىمەن قاتار, كەزدەسۋدە ۆەدومستۆو ماماندارى ءوز جۇمىستارىن «ءبىر تەرەزە» فورماتىندا كورسەتتى. سونىمەن قاتار, مۇلىك يەلەرىنىڭ جايلىلىق دەڭگەيىن ارتتىرۋ ءۇشىن تۇرعىن ۇيلەر اۋماعىندا كۇردەلى جوندەۋ جانە باسقا دا بىرقاتار ءىس-شارالاردى جۇرگىزۋگە ەرەكشە كوڭىل بولىنەدى.
– ءبىز ءۇشىن, جالپى استانالىق ميب ورتالىعى ءۇشىن بۇگىنگى ءىس-شارا وتە ۇلكەن جانە ماڭىزدى, ويتكەنى ءبىز تىم جاس ۇيىمبىز. سوعان قاراماستان ەلىمىزدە جۇرگىزىلىپ جاتقان رەفورمانى جۇزەگە اسىرۋعا اتسالىسۋدامىز. ءبىزدىڭ ماماندار بۇكىل قالاعا ءوز نىساندارىندا ميب قۇرۋعا, قۇجاتتاردى دايىنداۋعا جانە باسقالارعا كومەكتەسەدى. ميب ورتالىعىنىڭ, تۇرعىن ءۇي ورتالىعىنىڭ جانە باسقا دا ۆەدومستۆولىق باعىنىستى ۇيىمداردىڭ كۇشىمەن 1000-نان استام جينالىس وتكىزىلدى. بۇگىنگى تاڭدا مەنشىك يەلەرى ءبىزدىڭ وسى بازامىزدى پايدالانا الادى. سونىمەن بىرگە پارتيالىق باقىلاۋ كوميسسياسىنا ءبىز ەكى جىل ىشىندەگى جۇمىسىمىزدىڭ ناتيجەلەرىن تانىستىردىق, ال ەڭ باستىسى, بۋحگالتەريانى اشىق جۇرگىزۋگە مۇمكىندىك بەرەتىن ەلەكتروندىق قۇجاتتاما ەنگىزىلگەن ەڭ تابىستى قالالىق ميب-تەردىڭ توراعالارىن ۇسىندىق. ولاردىڭ وقۋدان ءساتتى ءوتىپ, ەمتيحان تاپسىرعانىن جانە ەندى تەك توراعا عانا ەمەس, باسقارۋشى دا بولا الاتىنىن اتاپ وتكىم كەلەدى, – دەدى استانا قالاسىنداعى ميب ورتالىعىنىڭ جەتەكشىسى گۇلۆيرا ابەتوۆا.
تۇرعىن ءۇي-كوممۋنالدىق شارۋاشىلىق رەفورماسىنىڭ باستى ماقساتى نەگىزىندە ناقتى كوپپاتەرلى تۇرعىن ءۇيدىڭ اقشا قاراجاتىنىڭ قوزعالىسى, ياعني ءۇي بيۋدجەتى بويىنشا اشىق راسىمدەردى قۇرۋعا قول جەتكىزىلەتىنى تۋرالى بايانداي كەلە, ميب ورتالىعىنىڭ جەتەكشىسى وسىلايشا, قاتىسۋشىلار ءۇشىن ءۇيدى كۇتىپ ۇستاۋ ماسەلەسى دە, سول سياقتى ءاربىر نىساندى باسقارۋ مەن وعان ساتىپ الىناتىن ماتەريالدار مەن جۇمسالاتىن قارجى كولەمى دە اشىق بولاتىنىن ايتتى.
