«Астана таңдауы-2014» байқауына қатысуға ниет білдіру­шілерден өтінім күн өткен сайын көбірек түсуде. Ең көп өтінім «Үздік мұғалім» номинациясына түсіп отыр. Үміткерлердің ең жасы – 29-да, ал ең егдесі – 66 жаста. Өтінім қабылдау 31 мамырда аяқталады. Содан кейін 1-20 маусым аралығында дауыс беру әдісімен әр аталым бойынша үздіктер анықталады.

VII Астана экономикалық форумы аясында жетпіске тарта түрлі шаралар өтеді. Бұл туралы бүгін Орталық коммуникациялар қызметіндегі брифингте ҚР Парламенті Сенатының депутаты, «Ғалымдардың еуразиялық экономикалық клубы» қауымдастығының тең төрағасы Серік Нөгербеков мәлім етті. Форум шеңберінде инновация, инвестиция, еуразиялық интеграция, адами капитал мәселелері кеңінен талқыға салынбақ.