Елордада жылыту маусымы қалай аяқталды және келесі маусымға қандай дайындық жүргізіліп жатыр? Бұл туралы Астана қаласы Энергетика басқармасының басшысы Нұрлан Көпешов айтты, деп хабарлайды astana-akshamy.kz
Көпешовтің айтуынша, 2023-2024 жылдардағы жылыту маусымы штаттық режимде өтті. Ал Үкіметтің қолдауымен өткен жылы тіршілікті қамтамасыз ететін бірқатар нысандардың құрылысы аяқталды.
«2023 жылы қаланың жылу қуаты 3-ЖЭО бірінші кезегінің, «Тұран» және «Оңтүстік-Шығыс» газ жылу станцияларының жалпы қосымша қуаты сағатына 1100 Гкал іске қосылуының арқасында 30 пайызға ұлғайды. Энергия көздерінің жалпы қолда бар қуаты 3 747 Гкал құрайды. Ағымдағы жылыту маусымында қаланың максималды тұтынуы сағатына 3 050 Гкал құрады. Осылайша, профицит 697 гкал/сағ құрайды, бұл қаланың қажеттіліктерін 2027 жылға дейін өтеуге мүмкіндік береді», – деді басқарма басшысы елордалық әкімдікте өткен брифингте.
Ол биыл «Тұран» МТҚ екінші кезегін және ЖЭО-3 көмір бөлігін толығымен аяқтау, ЖЭО-2 кеңейтуді бастау, «Тельман» МТК бірінші кезеңінің құрылысын жалғастыру және «Оңтүстік-Батыс» МТҚ жобалауға кірісу жоспарланып отырғанын атап өтті.
Нұрлан Көпешов осы жобалардың барлығын іске асыру 2035 жылға дейін қауіпсіздік қорын алуға мүмкіндік беретінін атап өтті.
«2024-2025 жылдарға арналған күзгі-қысқы кезеңге дайындық үшін энергия көздерінде күрделі жөндеу жүргізу жоспарланған. Жылумен жабдықтау желілері бойынша ағымдағы 0,9 км жөндеу және 7,6 км жылумен жабдықтау желілерін қайта жаңарту жоспарлануда», – деді ол.
