Астана қаласындағы халықтың саны 2013 жылдың 1 қарашадағы көрсеткіші бойынша 808 429 адамды құрады. Бұл ақпарат astana.kz cайтына Астана қалалық Статистика департаментінен хабарланды.
2013 жылдың басымен салыстырғанда Астана қаласының халқы 30 231 адамға көбейген. Жалпы, 2013 жылғы қаңтар-қазан айларында Астанадағы халықтың табиғи өсімі 15 426 адамды, көші-қон өсімі 14 805 адамды құрады.Биылғы жылдың қаңтар-қазан айларында Астана қаласы бойынша 18 350 сәбидің туғаны тіркелді. Осы мерзімде қалада 2924 адам қайтыс болды.
