Жаңалықтар
ЭЛЕКТРОНДЫ ВИЗА ҚОЛДАНЫСҚА ЕНЕДІ
Қазақстан виза беру рәсімін электрондық форматқа көшіруді жоспарлап отыр. Бұл жөнінде ҚР сыртқы істер министрінің бірінші орынбасары Рәпіл Жошыбаев мәлімдеді.
– Қазақстанға келетін шетелдік азаматтарға барынша қолайлы жағдай жасау мақсатында виза берудің қолданыстағы тәртібіне өзгерістер енгізіледі. Жаңа редакцияда автоматтандыру, электрондық визаларды рәсімдеу бойынша қызметтерді интеграциялау тәрізді жаңашылдықтар және өзге де жеңілдіктер негізге алынып отыр. Қазіргі уақытта рәсімді электрондық форматқа көшіру тетіктері сараланды, – дейді Р.Жошыбаев. Оның айтуынша, бұл қазақстандық визаны рәсімдеу тәртібін айтарлықтай жеңілдетуге мүмкіндік береді.