Memlekettık atauly äleumettık kömek – būl jan basyna şaqqandaǧy ortaşa ailyq tabysy elordada belgılengen kedeilık şegınen tömen jeke tūlǧalarǧa nemese otbasylarǧa şartsyz jäne şartty aqşalai kömek türınde memleket beretın aqşalai nysandaǧy tölem. Osyndai kömek alu mehanizmı turaly elordalyq Jūmyspen qamtu jäne äleumettık qorǧau basqarmasynyŋ basşysy İlia SKUB äŋgımelep berdı.
Şartsyz aqşalai kömek kımderge berıledı?
- Zeinetkerlık jasqa toluyna, bırınşı nemese ekınşı toptaǧy mügedektıkke, ekı aidan astam eŋbekke uaqytşa qabıletsızdık merzımı belgılenuı mümkın auruynyŋ boluyna bailanysty jūmyspen qamtuǧa järdemdesu şaralaryna qatysuǧa mümkındıgı şekteulı jalǧyzılıktı jäne (nemese) jalǧyz tūratyn tabysy az adamdarǧa şartsyz aqşalai kömek berıledı.
- Qūramynda eŋbekke qabılettı adamdary joq nemese jalǧyz eŋbekke qabılettı müşesı üş jasqa deiıngı balaǧa, mügedek balaǧa, bırınşı nemese ekınşı toptaǧy mügedekke, bögde adamnyŋ kütımıne jäne kömegıne mūqtaj qartqa kütımdı jüzege asyratyn tabysy az otbasylarǧa şartsyz aqşalai kömek berıledı.
Kedeilık şegı – būl atauly äleumettık kömektıŋ mölşerın aiqyndau kriteriiı retınde belgılenetın, bır adamnyŋ eŋ tömengı qajettılıkterın qanaǧattandyru üşın qajettı kırıs şekarasy.
Şartty aqşalai kömek kımderge berıledı?
- Jalǧyzılıktı jäne (nemese) jalǧyz tūratyn eŋbekke qabılettı tabysy az adamdarǧa şartty aqşalai kömek berıledı.
- Özınıŋ qūramynda eŋbekke qabılettı müşesı (müşelerı) bar az qamtylǧan otbasylarǧa, onyŋ ışınde Qazaqstan Respublikasynyŋ «Salyq jäne biudjetke tölenetın basqa da mındettı tölemder turaly» Kodeksınıŋ 774-babyna säikes bıryŋǧai jiyntyq tölemdı töleuşıler bolyp tabylatyn jeke tūlǧalarǧa, ol (olar) jūmyspen qamtuǧa järdemdesu şaralaryna qatysqan jäne (nemese) jūmyspen qamtuǧa järdemdesu şaralaryna qatysqan jaǧdaida, joǧaryda körsetılgen adamdardy (otbasylardy) qospaǧanda, äleumettık beiımdeu qajet bolǧan kezde jürgızıledı.
Atauly äleumettık kömek kımderge taǧaiyndalady?
Qazaqstan Respublikasynda jan basyna şaqqandaǧy ortaşa tabysy kedeilık şegınen aspaityn adamdar sanaty atauly äleumettık kömek ala alady. Olar:
– QR azamattary;
– oralmandar;
– bosqyndar;
– şeteldıkter;
– QR tūraqty tūratyn azamattyǧy joq tūlǧalar.
Jan basyna şaqqandaǧy ortaşa tabys atauly äleumettık kömek taǧaiyndauǧa ötınış bıldırgen toqsannyŋ aldyndaǧy toqsanda alynǧan jiyntyq tabysty otbasy müşelerınıŋ sanyna jäne üş aiǧa bölu arqyly esepteledı.
Atauly äleumettık kömektı kımder ala almaidy?
Qazaqstan Respublikasynyŋ «Memlekettık atauly äleumettık kömek turaly» Zaŋyna säikes, atauly äleumettık kömek taǧaiyndauǧa myna azamattardyŋ qūqyǧy joq:
– tabysy az adamdar (otbasylar);
– eŋbekke qabılettı müşesı jūmyspen qamtuǧa järdemdesu şaralaryna qatysudan bas tartqan otbasy – jūmyspen qamtuǧa järdemdesu şaralaryna qatysudan bas tartqan künnen bastap 6 ai ışınde;
– aluşynyŋ kınäsınen būryn jasalǧan äleumettık kelısımşart būzylǧan jäne (nemese) äleumettık kelısımşartta közdelgen mındettemeler oryndalmaǧan jaǧdailarda adamdar (otbasy) – atauly äleumettık kömek taǧaiyndauǧa ötınış jasaudyŋ aldyndaǧy 6 ai ışınde;
– atauly äleumettık kömek taǧaiyndau üşın jalǧan mälımetter jäne (nemese) däieksız qūjattar ūsynǧan adamdar (otbasylar) – olar ūsynylǧan künnen bastap 6 ai ışınde;
– uchaskelık komissiianyŋ materialdyq jaǧdaiyn tekseru nätijelerı boiynşa daiyndalǧan qorytyndysyna säikes atauly äleumettık kömek körsetudı qajet etpeitın adamdar (otbasylar).
Atauly äleumettık kömek mölşerı
Adamǧa ne otbasyna atauly äleumettık kömektıŋ mölşerın uäkılettı organ jan basyna şaqqandaǧy ortaşa tabys pen belgılengen kedeilık şegınıŋ aiyrmasy türınde otbasynyŋ ärbır müşesıne esepteidı. Otbasynyŋ qūramy jäne tabysy özgergen jaǧdaida taǧaiyndalǧan atauly äleumettık kömektıŋ mölşerı qaita esepteledı. Ötınış beruşı 10 jūmys künı ışınde uäkılettı organǧa atauly äleumettık kömektıŋ mölşerın özgertu üşın negız boluy mümkın män-jailar turaly habarlauǧa mındettı.
Jan basyna şaqqandaǧy ortaşa tabys qalai esepteledı?
Atauly äleumettık kömek aluǧa ümıtker adamnyŋ jiyntyq tabysyn aiqyndau atauly äleumettık kömek aluǧa ötınış jasalǧan kezde ūsynylatyn qūjattardyŋ jäne memlekettık organdardyŋ aqparattyq jüielerınen alynǧan mälımetterdıŋ negızınde jürgızıledı.
Tūrǧyn üi kömegı men atauly äleumettık kömekten, sondai-aq jūmyspen qamtuǧa järdemdesudıŋ belsendı şaralaryna qatysu şeŋberındegı memlekettık qoldau şaralarynan basqa, belgılengen uaqyt kezeŋınde aqşalai nemese zattai nysanda alynǧan tabystardyŋ barlyq türlerı otbasynyŋ jiyntyq tabysyna engızıledı.
