«Mügedek jastar qoǧamy» ūiymy men Astana qalasy käsıpkerlerınıŋ ūiymdastyruymen boulingtı közdı jauyp oinaudan turnir öttı, dep habarlaidy astana-akshamy.kz.
Bouling oinau eşkımdı taŋǧaldyra qoimaidy. Al boulingtı közdı jauyp oinau ärkımnıŋ qolynan kele bermeidı. Osy oraida «Duman» qonaq üiınde Astana qalasynyŋ käsıpkerlerınen jasaqtalǧan 5 komanda erekşe saiysta synǧa tüstı.
«Adamda 5 sezım müşesı bar. Olar: köz, qūlaq, tıl, mūryn, terı. Al olardyŋ ışınde közdıŋ jabyq boluy midyŋ damuyna tıkelei äser etedı. Sondyqtan da osy jarysty ūiymdastyru ideiasy oiymyzǧa keldı.
Qazırgı qoǧamda mügedekter jaily jaŋsaq qaǧida qalyptasqan. Köpşılıgı mügedek degende, olardy zeinetaqy jäne tamaqpen qamtamasyz etse, jetkılıktı dep oilaidy. Degenmen, adam qandai jaǧdaida bolsa da, özgenıŋ müsırkegenın qalamaidy», — dedı «Mügedek jastar qoǧamy» ūiymynyŋ töraǧasy Mūrat Abdumomynov.
Ūiymdastyruşylardyŋ aituynşa, būndai ıs-şara ekınşı ret ötkızılude. Būǧan deiın 2023 jyly qazan aiynda memlekettık organ qyzmetkerlerı arasynda da osy jarys bolǧan edı.
«Mügedekterdıŋ janyn tek mügedekter ūǧynady. Al sau adamdar densaulyq pen otbasynyŋ qadırın basqa tüspeiınşe, tüsıne bermeidı. Sonyŋ anyq dälelı — pandemiia uaqytynda anyq bılındı. Sen qanşa aqşa tapsaŋ da, ömırdegı basty dünie emes. Mıne boulingtı közdı jauyp oinau arqyly sau adamdar da özderınıŋ mümkındıgı şeksız ekendıgın däleldegımız keldı», — dep Mūrat öz oiyn tüiındedı.
Bäsekenıŋ basynda qatysuşylardyŋ jyldamdyǧy men qarqyny qatty bolǧanymen, nysanadan mült ketıp jatty. Tek 10-15 minuttan soŋ ǧana, olar oiynǧa beiımdeldı.
«Boulingke bos uaqytymda dostarymmen bırge baryp, oinaimyn. Bügıngı erekşe jarysty bırınşı ret estıdım. Jaŋa dünie qaşan da qyzyq qoi. Bastapqyda şardy ūstau qiyn bolǧanymen, uaqyt öte kele közge ǧana emes, ainalany sezımmen sezıne bastaidy ekensıŋ» — dep, Älışer atty qatysuşy öz pıkırın bıldırdı.
«Mügedek jastar qoǧamy» ūiymy aldaǧy uaqytta tek boulingpen ǧana şektelmei, küz mezıgılınde Astanada bırınşı ret jelkendı sporttan da şara ötkızu ideiasy bar ekenın aitty.
