Ūly Otan soǧysynyŋ aiaqtalǧanyna 80 jylǧa taiau uaqyt ötse de, soǧystan qalǧan jara jazylar emes. Soǧysta qaza bolǧan jauyngerlerdıŋ arttarynda qanşama jesır, qanşama jetım qaldy. Qanşama bozdaq hat-habarsyz kettı. Osy künge deiın äkelerı turaly bır dereksız qalǧandar da jeterlık. Solardyŋ ışınde bız de barmyz. Bızdıŋ babamyz Tynykeden Köşerbai, Qypşaqbai, Tölegen, Bölegen degen tört ūl düniege kelgen.
Soǧys bastalyp, sol jyldary maidanǧa Qarsaqbai äskeri komissariatynan Tynekenıŋ tört ūly da maidan dalasyna attanǧan. Solardyŋ ışınde tek Bölegen äkemız ǧana 316-Panfilov diviziiasy qūramynda şaiqastarǧa qatysyp, bırneşe ret jaralanyp, elge mügedek bop keldı. Qalǧan üş aǧaiyn osy künge deiın hat-habarsyz bolǧan. Ūzaq ızdenısterdıŋ arqasynda Tölegen äkemız 1942 jyly bır top jerlestermen maidanǧa bara jatqanda äskeri eşelonǧa jau samoletterınıŋ bombalauynan qaza bolǧan eken. Ol kısını Voronej oblysy, Baichurovo stansiiasynda bauyrlastar ziratyna jerlengenı anyqtaldy. Tynykeūly Köşerbai 1943 jyly mausymda maidanǧa Qarsaqbai äskeri komissariatynan attanǧan, artynda jary Kenjebekqyzy Külzapiia, 40-kündık ūly Oljabai qalǧan. Äskeri arhiv derekterınıŋ kuäländıruı boiynşa «Köşerbai 1943 jyldyŋ 28 jeltoqsanda Belorussiia jerındegı Vitebsk audany Zazyby derevniasynda qaza bolyp, 1500 jauyngerdı bauyrlastar ziratyna» jerlegen degen aqparat tabyldy. 1952 jyly ol jerge egın salatyn bolyp Oktiabr auyldyq keŋesınıŋ Şapury derevniasyna qaita jerlengen uaqytynda tızımnen tüsıp qalǧan. Vitebsk qalasyndaǧy M.F.Şmyreva atyndaǧy äskeri muzei qyzmetkerlerınıŋ aralasuymen 2020 jyly 9 mamyrǧa qarsy Tynykeūly Köşerbaidyŋ esımı Oktiabr audannyŋ Şapury derevniasyndaǧy bauyrlastar ziratynyŋ taqtasyna qūrmetpen jazylǧan. Alla näsıp etıp, 2021 jyly 15 nauryzda Köşerbaidyŋ nemeresı Oljabaiūly Berık ekeumız äkemız jatqan jerıne Qūran baǧyştauǧa attandyq. Bız barǧan auyldyq keŋes qyzmetkerlerı, jūmys aiaqtalsa da bızdı arnaiy kütıp tūrdy, äkemızdıŋ jatqan jerın körsettı. Belorus jerınde är eldı mekenderde qaza tapqan jauyngerler ziraty köp, sondyqtan tura joldy bıletın jolbasşy bolmasa bırden tabu qiyn. Koronavirus saldarynan jol auyrlau bolsa da, äkemız mürdesı jatqan jerdı körgende, köŋılımız bosap bır mezet eseŋgırep qaldyq.
Kelesı künı bızdı Qazaqstannan arnaiy kelgenımızdı estıgen Belorussiiadaǧy Qazaqstan elşısı Asqar myrza Asanūly kezdesuge şaqyrdy. Elşı öte jyly qabyldap, öz tarapynan rizaşylyǧyn bıldırıp, azdy-köptı sūhbattasyp, Belorussiia maidangerlerı turaly kıtapty syiǧa tartty. Qazaqstannan äkelerımızdı ızdep, arnaiy kelgenımızdı estıgen Belorussiianyŋ mūsylmandar bas imamy, şeih Äbu-Bäkır qabyldady. Ol öz tarapynan 18.03.21 j Hatyn derevniasynda bolatyn respublika basşysy qatysatyn, bükıl dıni konfessiia qatysyp, ŪOS-da qaza bolǧandarǧa dūǧa oqitynyn, sonda bızdıŋ äkemızge de dūǧa baǧyştaitynyn habarlady. Jäne äkemız jatqan derevniada №4420 bauyrlastar ziratynyŋ kütımın qadaǧalaitynyna uäde berdı. Osyndai bızdıŋ äkemız Tynykeūly Köşerbaiǧa degen kūrmettı tek oǧan emes, ŪOS qaza bolǧan Qazaqstan jauyngerlerıne dep tüsındık. Qazaqstan elşısı Minsk qalasyndaǧy Ūly Otan soǧysy jauyngerlerıne arnalǧan muzeige apardy. Ol jerden de köptegen maǧlūmattar aldyq.
Men äkemızdıŋ qaza bolyp, ziratyn ızdeu jolynda estelıktı maqtanu üşın jazyp otyrǧan joqpyn. Är ūrpaq maidanger äkesın ızdep qūran baǧyştauǧa paryz dep oilaimyn.
Serık QOLDANŪLY, Densaulyq saqtau ardager
