– Reŋdı jıgıtsız. Boijetkender telefon şalyp, jiı mazalaityn şyǧar?
Samal, mūǧalım
– Jiı habarlasady dep aita almaimyn. Anda-sanda nömırın jasyryp, habarlasatyndar bolyp qalady. Köbınese äleumettık jelıler arqyly lebızderın bıldırıp jatady.
– Denıŋızge saulyq, eŋbegıŋızge tabys tıleimın. Akter än aita da bılu kerek eken. Onyŋ üstıne sızdıŋ dauys yrǧaǧyŋyz öte ädemı. Änşı boluǧa qalaisyz?
Dinara
– Köp rahmet! On bırınşı synyp oqyp jürgenımde gitarada oinaudy üirendım. Onyŋ üstıne T.Jürgenov atyndaǧy Öner akademiiasyna än aityp tüskem. Keiın oqu ornynda keremet dauysy bar qyz-jıgıtterdı körıp, basylyp qalǧan bolatynbyz. Ärine, än aitpaityn akter bolmaidy. Spektakl men kino körınısterı barysynda aityp tūramyn. Özıme ūnaityn änderım bar, köŋıl hoşuaqtanǧan sätterde solardy aityp jüremın. «Äu» demeitın qazaq joq qoi. Bıraq änşı boludy armandamaimyn. Qazaqta «torǧai soisa da, qasapşy soisyn» degen maqal bar. Men akterlıgımdı damytu jolynda jūmys ısteimın.
– Ädıl, «Qara şaŋyraq» telehikaiasynda basty rölderdıŋ bırın somdaisyz. Öz rölıŋızdı jaqsy alyp şyǧypsyz. Onyŋ üstıne, Aqan Sataevpen jūmys ısteu ärbır jas akterdıŋ armany ǧoi. Būl rölge qalai bekıtıldıŋız?
Ǧaziza, qala tūrǧyny
– Rahmet, Ǧaziza! Telehikaiaǧa, ärine, kasting arqyly bekıtıldım. «Sataifilmnen» habarlasyp, bırneşe akterdı şaqyrtty. Barǧan soŋ, keiıpkerım Däulettıŋ bır-ekı siujettık beinesın jasap körsettım. Nätijesınde osy rölge menı laiyq dep tauypty. Būl telehikaiada aǧaiyndy üş jıgıttıŋ taǧdyry baiandalady. Üidıŋ ülkenı Älışer – käsıpker, ortanşysy Däulet – sportşy, kenjesı Mädi auylda tūrady. Özındık joly, maqsaty bar aǧaiyndy üşeudıŋ taǧdyry qasiettı qara şaŋyraqta tabysady. Tuyndydan ärbır qazaq özın köredı dep oilaimyn. Onda qazırgı jaǧdailar, qiyndyqtar, satqyndyq, ata-anany syilamau, sondai-aq, bügıngı nesie, kazino syndy mäseleler bar. Oǧan qosa, tuyp-ösken qara şaŋyraqty qasterleu, aǧaiyn arasyndaǧy tatulyqty damytu, otbasylyq qūndylyqtardy saqtau – osynyŋ bärın filmnen köruge bolady.
– Äşırbek Syǧai: «Änşı-akterdıŋ denı toida jür. Masaŋ ortada jyltyŋdap jürgen ärtıs sahnada da sürınedı. Bızde toi jaǧalamai, özın-özı saqtaityn jıgıtter az… Ädıl Ahmetov – sol azdyŋ ökılı» dep baǧa bergen eken. Sız şynymen toi basqaruǧa barmaisyz ba?
Perizat
– Astanaǧa kelgen jyldary jataqhanada tūrdyq. Sol kezde toiǧa şyqqan kezımız boldy. Qazır barlyq toilarǧa emes, konserttık baǧdarlama retınde ötetın ülken şaralarǧa jürgızuşı retınde baryp tūramyn. Bır jaǧynan toiǧa şyǧatyn akterlerdı de tüsınuge bolady. Barlyǧy künkörıstıŋ qamy ǧoi.
– Sızdı endı qandai kinodan köremız?
Nūrgül, student
– Rejiscer Aqan Sataevtyŋ «Reketir» filmınıŋ ekınşı bölımı tüsırılıp jatyr. Sol kinonyŋ bır epizodynda aqtöbelık Miko degen bandittıŋ rölın somdaimyn. Būl şaǧyn röl eken dep bas tartqan joqpyn. «Röldıŋ ülken-kışısı bolmaidy» degendei, är keiıpkerdıŋ belgılı bır bererı bolady. Ärqaisysynyŋ jauapkerşılıgı bar.
Önerge janyn bergen, tarihta aty qalatyn naǧyz akterdıŋ bolmysy, ömır salty qandai boluy kerek, sızdıŋşe?
Rahat, medbike
– Basqa ısınıŋ bärın tastap, tek önerge berılıp ketetınder bolady. Būl – sirek kezdesetın jait. Ärbır adam janūiasyn bırınşı orynǧa qoiatyn şyǧar. Odan keiın – öner. Bır närsege qatty berıludıŋ özı dūrys emes qoi. Bıraq, ärine, ūstanymym – bır käsıptıŋ ūŋǧyl-şūŋǧylyna deiın igeruge tyrysu. Akterlıgımdı damytu jolynda jūmys ısteimın. Sol üşın ızdenuden talmaimyn.
– Ädıl, sız «aqymaq» kezıŋızde üilenıp aldyŋyz. Ol kezde sızdı eşkım tanymaityn. Al, qazır köpşılıkke tanymalsyz. Jan-jaǧyŋyzdan qaumalap jürgen qyz-qyrqynǧa qarap, erte üilengenıŋızge ökınbeisız be?
Janar, student
– Ökınbeimın. 24 jasymda T.Jürgenov atyndaǧy Öner akademiiasyn bıtırgen soŋ, ekı jyldan keiın üilendım. Joldasym ekeumız bır oqu ornynda oqydyq. Menıŋ oljam – özıŋız aitqandai, eşkım tanymaityn kezımde otau qūrǧanym. Kerısınşe, sol «aqymaq» kezımde üilenıp alǧanyma quanamyn. Joldasym ekeumızde eşqandai esep bolǧan joq. Jäi ǧana student Ädılge ǧaşyq qyzǧa üilendım. Qūdaiǧa şükır, sodan berı bırge kele jatyrmyz.
– Ädıl, qazırgı kezde bızdıŋ qoǧamda nesiesı joq adam kemde-kem. Sız bankke qaryz emessız be?
Dana, bank qyzmetkerı
– Däl qazır qaryz emespın. Osy jazda nesiege tehnikalyq qūral-jabdyq alyp, artynan qaryzdy qaitardyq.
– Sahnada tūryp, oqys oqiǧaǧa tap bolǧan kezıŋız boldy ma?
Timur
– Qyzyqty oqiǧalar köp bolyp jatady. Bırde Astananyŋ maŋyndaǧy «Köktal» yqşam audanyna bardyq. Sol jerdıŋ mädeniet üiınde «Diliafruzdyŋ tört küieuı» spektaklın qoiyp jatqanbyz. Däl ortasyna kelgende jaryq öşıp qaldy. Komediia öte qyzu, jaqsy ötıp jatty. Sonyŋ äserı şyǧar, barlyq körermen ūialy telefondarynyŋ fonarikterın qosyp, sahnaǧa jaryq tüsırıp otyrdy. Onyŋ üstıne sol künı dalada jaŋbyr qūiyp tūrdy. Jaŋbyrdyŋ da dauysy ışke estılıp tūrdy. Däl sol kezde spektakldegı toǧaidyŋ ışın körsetetın jerıne kelgen bolatynbyz. Eşteŋege qaramastan, bıreuımız qolşatyr, kelesımız fonarik alyp şyǧyp qoiylymdy ärı qarai jalǧastyryp kettık. Sahnada osyndai neşe türlı kütpegen oqiǧalar oryn alyp jatady.
– Bırneşe filmde basty rölderdı oinaisyz. Būl üşın qarajat töleisız be?
Dämetken
– O ne degenıŋız?!(Külıp). Men de barlyq ümıtkerler sekıldı arnaiy synaqtan ötıp, rejisserlerdıŋ şeşımı boiynşa ǧana rölge bekıtılemın. Kerısınşe, kinoǧa tüskenımız üşın olar bızge töleidı.