Redaksiiamyzǧa syrqat qyzynyŋ emıne kömek sūraǧan jalǧyzbasty ana Anar Moldahmetovadan hat kelıp tüstı. Därıgerlerdıŋ aituynşa, bes jasar Mädinany sereberaldy sal auruynan sauyqtyruǧa älı de mümkındık bar. Alaida, Anardyŋ qoly qysqalyq etıp, aqparat qūraldary arqyly janaşyr jandardan kömek sūrap otyrǧan jaiy bar. Qamyqqan jannyŋ janaiqai hatyn sol küiınşe berıp otyrmyz:
«…Qyzym sereberaldy sal auruyna şaldyqqan, iaǧni, astatikalyq formadaǧy atonika, psihikalyq-söileu qabıletınıŋ jetıluınde keşıguşılık bar. Ärine, ol emdeledı, bıraq ūzaq uaqyt pen qyruar qarjyny qajet etedı eken. Balapanym därısız otyra almaidy, ünemı em-domǧa aqşa kerek, bala ösken saiyn onyŋ da baǧasy bırtındep ūlǧaiyp keledı. Qyzym köŋıldı, zerek, balalarmen oinaǧandy jaqsy köredı. Alaida, qozǧalys jaǧynan mümkındıgı şekteulı, ornynan taianyp tūrǧanymyn, aiaǧyn teŋ basyp jüre almaidy. Sonymen qatar, tılı kürmelıp, söileuge qinalady. Därıgerlerdıŋ baiqauynşa, balaǧa qazırgı jaǧdaiynda tūraqty ärı ūzaq merzımdı em-şara jürgızse, özın-özı alyp jüretındei, tılı şyǧatyndai halge keluı mümkın. Bıraq, emdeu keşıkken saiyn, densaulyǧyn qalpyna keltıru de kürdelene beretını anyq.
Men būryn memlekettık qyzmette bolǧanmyn, ol jerde uaqytyŋmen sanaspaidy, täulık boiy jūmystan bosamai qalatyn kezder jiılep kettı. Basymdaǧy qiyndyqqa qaramai, «eşqandai syrqatyŋa, otbasylyq jaǧdaiyŋa bailanysty sūranu bolmasyn nemese jūmystan ketıŋız» degen qataŋ talap qoiǧannan keiın jūmystan şyǧuǧa tura keldı. Eŋ aldymen – anamyn ǧoi, balamnyŋ densaulyǧyn bırınşı kezekke qoidym.
Jūbaiymmen ajyrasqanymyzǧa tört jyldai öttı, auru balamyzben ekeumız jaldamaly päterde ölmestıŋ küiın keşudemız. Äkesı aiyna 9000 teŋge kölemınde aliment töleidı, oǧan qosa memleketten 42000 myŋ teŋge järdemaqy alamyn. Bas-aiaǧy 51000 teŋge ailyq tabysymyz qaidan jetsın, 25000 teŋgesın päter iesıne sanap beremız. Bırneşe märte jūmysqa tūrmaqşy bop talaptanyp kördım, bıraq ala qoiaiyn degen eşkım bolmady.
Jan baǧu üşın erlı-zaiypty bolǧan kezde alǧan zattarymyzdy, tıptı, balanyŋ oiynşyǧyna deiın satyp bıtırdım. Bırneşe märte respublikalyq auruhanalarda em aldyq, degenmen nätijesı köŋıl könşıtpeidı. Taǧy bırneşe klinika öz qyzmetterın ūsynuda. Ätteŋ, qyzymdy alyp, qūstai ūşyp baruǧa taǧy da qarjynyŋ qattyǧy qolbailau bop tūr.
Balam ömır-baqi mügedek bop qaluy mümkın ekenın oilasam, tamaǧyma öksık tyǧylady. Bar ümıtım sızderde, peiılı keŋ, jüregı jūmsaq jandar! Qoldaryŋyzdan kelgenşe kömek körsetulerıŋızdı sūraimyn. «Tamşydan teŋız qūralady» deidı ǧoi, bırıksek, perıştedei qyzdyŋ basqa salǧan auyrtpalyqtan aiyrylyp, päkizat külkısın, şadyman şattyǧyn köruge jazar edı. Bır-bırımızge bauyrmal, jalǧyzyn mūŋaitpaǧan, jarlysyn janyna alǧan halyq edık qoi. Menı basymdaǧy qaiǧyǧa jūtqyzbai, jūrt bolyp jūmylularyŋyzdy qalaimyn!»
Anar MOLDAHMETOVA
Ūialy tel: 8-701-933-55-59
Üi tel: 8 (7172)-38-59-74
Rekvizitterı:
Moldahmetova Anara Maratovna
Aǧymdaǧy şot: KZ23998BTB0000199589
JSN: 090613650857
Kbe: 19
BİK: TSESKZKA
«Sesnabank» AQ astanalyq filialy
