Apta aqjoltaiy
Tau kongresı tanytady
2018 jyly 25-şı Bükılälemdık tau kongresı Astanada ötetın boldy.
Osy aptada Monreal qalasynda ötken Kongrestıŋ ūiymdastyru komitetınıŋ kezektı otyrysynda komitet müşelerı Qazaqstannyŋ sūranymyn qoldauǧa bırauyzdan dauys berıp, maqūldady. Is-şarada elımızdıŋ Kanadadaǧy elşısı Konstantin Jigalov memlekettıŋ saiasi jäne ekonomikalyq damu mäselelerı turaly, sonyŋ ışınde, Üdemelı industrialdy-innovasiialyq damu memlekettık baǧdarlamasy men osy baǧyttaǧy metallurgiialyq keşennıŋ rölı turaly aqparat berdı.
Apta saualy
EKSPO-2017: Kımnıŋ jobasy köŋılıŋızden şyqty?
Aigerım Seiıtmat, student:
– Elbasy «Körme» ortalyǧynda amerikalyq kompaniia jasaǧan jobany ūnatatynyn bıldırdı. Gordon Gil men Adrian Smittıŋ eskiz- nobaiy qazaqtyŋ kiız üiın arqau etken. Barlyq mädeni, geografiialyq erekşelıkter eskerılgen. Ūzaqmerzımdı jäne tūraqty damudyŋ ülgısı bolatyn jobany äzırlegende energiia ünemdeu jaǧyna meilınşe köŋıl bölıngenı körınıp-aq tūr. Kiız üidıŋ ainalasynda kün men jel energiiasyn beretın ǧimarattar qaitalanbas säuletımen közge tüsedı. Jülde qoryna laiyq bolmaǧan künnıŋ özınde üzdıŋ «ondyqtyŋ» qataryna kıretınıne senımım mol.
Ǧaliia Pırmaǧanbetqyzy,
dizainer:
–Körmenı ekı kün boiy tamaşaladym. Alǧan äserım erekşe. Ökınıştısı, 48 jobanyŋ ışınen tek bıreuın taŋdau közdelgen. Halyqaralyq baiqau bolǧandyqtan, syzba-joparlar öte sapaly daiyndalǧan, maqsaty aiqyn. Şeteldık mamandar öz tuyndylaryn Qazaqstanmen bailanystyrǧysy kelgen. Mäselen, menıŋ baiqaǧanym İtaliialyq säuletşı Abellonio öz tuyndysyna elımızdıŋ kök tuyndaǧy şapaǧyn jan-jaqqa şaşqan altyn kündı beinelegen. Balamaly energiia közderın damytuda, kün energiiasynyŋ orny bölek ekenın osylai körsetkısı kelgen sekıldı. Al, germaniialyq säuletşı Maierdıŋ jetekşılıgımen jasalǧan joba tıptı, ertegıler elıne jeteleidı. Osyǧan deiıngı EKSPO körmesınıŋ logotipıne ūqsas alty döŋgelegı bar biık nysan aşyqtyǧymen erekşelenedı.
Ǧalym TÖLEGEN, säuletşı:
–Säuletşılerdıŋ qiialynda şek joq. Äsırese Qytai, Koreia, Niderlandy elderınıŋ şeberlerı «jasyl ekonomikaǧa» asa män bergen. Özıme otandyq säuletşılerdıŋ eŋbegı qatty ūnady. Qazaqstannyŋ eŋbek sıŋırgen qairatkerı, säuletşı Säken Narynovtyŋ jetekşılıgımen jasalǧan joba tehnikalyq keŋestıŋ köŋılınen şyqty dep oilaimyn. Ertıs Qamzin ūsynǧan jabyq qala jobasynda ūlttyq pavilon, art-ortalyq, amfiteatr, kiız üi qalaşyǧy, attraksiondy keşender, turistık qonaqüiler, landşafty saiabaq bärı-bärı qamtylǧan. Syrtqy körınısınıŋ özı altyn tüstes. Körme keşenınıŋ joǧary jaǧyna aparatyn ainalma jol arqyly eŋ biık nüktesıne deiın şyǧyp, tamaşalauǧa bolady. Mümkındık bolyp jatsa, ärine jobalardyŋ barlyǧy qoldauǧa laiyq. Äzırge, 150 myŋ AQŞ dollary bolatyn qomaqty jülde kımge būiyratynyn aita almaimyn.
Apta ūsynysy
Ziiabek QABYLDİNOV,
«Euraziia» gumanitarlyq ǧylymi zertteu ortalyǧynyŋ direktory:
Aşarşylyq aqiqatyn älı de aitu kerek
–Aşarşylyq turaly zerttegende, äsırese, Ukrain ǧalymdarynan üirenerımız köp. Olar būl oqiǧany memlekettık tūrǧydan moiyndap, genosid dep tanydy. Bügınde ukrain zertteuşılerı aşarşylyqtyŋ qūrbany bolǧan 7 milliondai adamnyŋ aty- jönın anyqtady. Bızdıŋ tarihşylardyŋ mındetı – aşarşylyq turaly derekterdı, dälelderdı köptep jinap, ony Parlamenttıŋ, ükımettıŋ aldyna şyǧaru. Al, osy zertteulerdıŋ negızınde aşarşylyq näubetın memlekettık deŋgeide genosid dep tanu-tanymau bilıktıŋ saiasi jıgerıne, şeşımıne bailanysty. Sondyqtan, halqymyzǧa zor qaiǧy äkelgen aşarşylyq oqiǧasyn tübın qazyp zertteudıŋ maŋyzy zor.
Apta «kerekterı»
Erlan Qojaǧapanov,
Sport jäne dene şynyqtyru agenttıgınıŋ töraǧasy:
«Älem, Aziia oiyndarynyŋ 75 paiyz jeŋımpazdary – būl auyldan şyqqan jastar. Sondyqtan būl ürdıstı qoldap, belsendı damytuymyz kerek».
Saltanat Jūmabekova,
«Önımdılık-2020» baǧdarlamasy ortalyǧynyŋ direktory:
«İndustriia jäne jaŋa tehnologiialar ministrlıgınıŋ strategiialyq josparyna bailanysty bız jyl saiyn jiyrmadan astam jobany jaŋǧyrtuymyz kerek».
Apta jaŋalyǧy
Zinedin Zidan keledı
Qazaqstan futbolynyŋ 100 jyldyq mereitoiyna äigılı futbolşy Zinedin Zidan keledı dep kütılude.
Qazaqstan futbolynyŋ 100 jyldyq mereitoiyna arnalǧan ıs-şaralar Semei qalasynda 21-22-qyrküiek künderı ötetını belgılı. Auqymdy mereitoilyq şaraǧa mäskeulık «Spartak», almatylyq «Qairat», qazandyq «Rubin», Tbilisi men Kievtıŋ «Dinamo» komandalary keledı. Ūiymdastyruşylardyŋ habarlauynşa, Şyǧys Qazaqstan oblystyq dene şynyqtyru men sport basqarmasy qazırgı taŋda älem futbolynyŋ jūldyzy Zidanmen kelıssözder jürgızıp jatyr.
Apta oqiǧasy
Terrorister tūtqyndaldy
«Astana terroristerınıŋ» köşbasşysy 10 jylǧa bas bostandyǧynan aiyryldy.
Osy aptada Astana qalasynyŋ mamandandyrylǧan audanaralyq soty laŋkestık topqa qatysty ükım şyǧardy. Memlekettıŋ joǧarǧy basşylaryna qastandyq jasaudy jäne elordada terrorlyq ıs-äreket ūiymdastyrudy josparlaǧan laŋkestık toptyŋ köşbasşysy 10 jylǧa bas bostandyǧynan aiyryldy. QR Qylmystyq Kodeksınıŋ 58- babynyŋ 3 tarmaǧyna säikes, S.Qoşalaqovqa 10 jyl, K.Şärıpov – 10 jyl, E.Qadırsızov – 9 jyl qataŋ rejimdı koloniiada bas bostandyǧynan aiyru jazasyn aldy. Sonymen qatar, .K. Qasqabaev pen S.K.Jünısov jalpy rejimdegı koloniiaǧa 6 jylǧa kesıldı jäne mülıkterı tärkılenedı. Al, K. Äbdıkerov 5,5 jylǧa bas bostandyǧynan aiyryldy.
«Astana terroristerıne» qatysty sot prosesı 2013 jyldyŋ mamyr aiynda bastalǧan edı. Is boiynşa aliyptalǧan alty adamǧa jarylǧyş zattardy paidalana otyryp, jarylysty jäne özge de äreketterdı jasau maqsatynda söz bailasu, terroristık topty qūru, qaru jaraq pen oq-därılerdı jymqyru jäne basqa da auyr qylmystar boiynşa aiyptar taǧylyp otyr.
Tergeu mälımetterıne säikes, qoǧamdyq qauıpsızdıktı būzu jäne halyqty qorqytu maqsatynda Qoşalaqovtyŋ basşylyǧyndaǧy terroristık top Beibıtşılık jäne kelısım saraiyn jarudy, Astanalyq ŪQD ǧimaratyna şabuyldy, sonymen qatar elımızdıŋ joǧarǧy lauazymdy tūlǧalaryna qastandyq jasaudy ūiymdastyrudy josparlaǧan. Osy maqsatta A. Şärıpov özınıŋ kämeletke tolmaǧan mūsylman zaiyby Nūrǧalievaǧa joǧarǧy lauazymdy tūlǧalardyŋ qatysuymen ötetın jaŋa Opera jäne balet teatrynyŋ aşyluy kezınde özın-özı jaru arqyly ony şahid retınde terroristık topqa kıruge daiyndai bastaǧan. Terroristerge qatysty ıs prosesı jabyq esık jaǧdaiynda öttı.
Aptanyŋ atauly künı
15 tamyz – Arheologtar künı
Arheologiia – tarih ǧylymynyŋ köne däuır men orta ǧasyrdaǧy adamzat qoǧamy damuynyŋ zaŋdylyqtary men negızgı kezeŋderın zertteitın salasy.
Gülmira AIMAǦANBET
