Jer qūrǧaqta ötken jarystardyŋ qai-qaisysyn bolsyn qūr jıbermegen jelaiaqtarǧa jauǧan qar da kedergı bolmady. Astanadaǧy qysqy marafonǧa qatysqan jūrttyŋ qarasy qalyŋ boldy. Dälırek aitsaq, elımızde alǧaş ret ūiymdastyrylǧan «Astana Winter Marathon-2017» dodasynda 400-ge tarta adam jügırdı.
Ünemı alysqa jügırıp, boi qyzdyryp üirenıp qalǧan halyq qysta bırınşı ret ötken būl jarysty quana-quana qūp kördı. Marafonşylardyŋ arasynan Prezident äkımşılıgınıŋ jetekşısı Ädılbek Jaqsybekov pen «Qazaqstannyŋ damu bankı» AQ töraǧasy Bolat Jämışev te tabyldy.
Marafondy ūiymdastyruǧa Astana qalasynyŋ äkımdıgı men QR Jeŋıl atletika federasiiasy mūryndyq boldy. Bastama kötergen – «Marathon» jügıru klubynyŋ qūrmettı müşesı, Ginnes rekordtar kıtabynyŋ jetı dürkın rekordşysy, halyqaralyq därejedegı sport şeberı Marat Jylanbaev.
Jarystyŋ belgılengen mejelerı – 10, 21 jäne 42 km 195 metr qaşyqtyq. Är qaşyqtyqtyŋ jeŋımpazdary üş jas sanaty boiynşa marapattaldy.
Sonymen, eŋ qysqa qaşyqtyq – 10 şaqyrymda Arman Ǧalymov pen Äsem Merkejanova bärınen oq boiy ozyq boldy. Būǧan qosa, erler men äielder jastaryna qarai taǧy da jekelei marapattaldy. Jalpy būl qaşyqtyqta 207 adam öz şamalaryn baiqap kördı.
Odan soŋ 21 şaqyrymdy jūrttan būryn eŋsergen Pavel Broda men Äsel Qūspanova jeŋımpaz atandy. Osy arada 144 adam jügırdı.
Al tolyq marafondy tek er azamattar ǧana baǧyndyrdy. Dälıregı – 49 adam. Solardyŋ ışınen Asqar Jaŋabergenov jüirık şyqty.
Jalpy «Astana Triatlon parkınde» ötken marafonǧa 298 er adam jäne 90 äiel qatysty. Jelaiaqtardyŋ eŋ jasy 9 jasar bolsa, eŋ ülkenı – 70 jasta. Marafonǧa qatysuşylardyŋ barlyǧyna arnaiy medal tabystaldy.
Orynbek ÖTEMŪRAT
