Elordadaǧy Ūly Otan soǧysynyŋ mügedekterine arnalǧan ortalyq klinikalyq gospitalda elimizdiŋ är aimaǧynan kelgen nauqastar emdelude.
Büginde būl mekemede astanalyq 350-den astam ardager tirkeude tūr.
Eŋ basty aitarymyz, gospital ardager qauymyna tegin medisinalyq qyzmet körsetedi. Mekeme 2004 jylǧa deiin Almatydaǧy gospitaldiŋ bir bölimşesi bolyp jūmys istese, odan beri jeke klinikalyq gospital sanatynda.
Gospital tek Ūly Otan soǧysy mügedekterine arnalǧan dep atalǧanymen, mūnda Auǧanstan soǧysynyŋ ardagerleri men sonda qaza bolǧan jauyngerlerdiŋ otbasy müşeleri, Chernobyl apatynan, Semei poligonynan zardap şekkender, saiasi quǧyn-sürgin qūrbandaryna qatysy bar azamattar, Eŋbek erleri, Astananyŋ qūrmetti azamattary men olar-dyŋ otbasy müşeleri emdeledi. Osy topqa kiretin nauqastardyŋ bärine jyl saiyn gospitalǧa jatyp, emdelip şyǧuyna mümkindik keŋinen qaras-tyrylǧan. Mūnda biliktiligi joǧary terapevt, urolog, hirurg, nevropato-log, okulist, stomatolog, dermatolog, fizioterapevt, endokrinolog, gastroenterolog pen basqa da mamandar emdeu jürgizedi.
«Taǧdyrdyŋ tauqymetin körip, talai qiynşylyqtardy bastan keşken azamattarmen jūmys jasauda ülken täjiribe kerek. Qart adamdar bolǧan soŋ, därigerler olardyŋ köŋilin tauyp, kerek emderdiŋ bärin jasaidy. Mūnda 150-den astam medisina qyzmetkeri şydamdylyqpen jūmys isteidi», – deidi gospital direktory Ädilhan Abdulin.
Ädilhan Ämirbekūly būl mekemege tört jyldan beri basşylyq etip keledi. Reseide tuyp, sonda eŋbek etken. Otyz jyldyq täjiribesi bar azamat Reseidiŋ eŋbek siŋirgen därigeri atanǧan. Al, Astanaǧa qonys audarǧan tört jyl işinde qazaq därigerleriniŋ qatary kün sanap köbeiip kele jatqanyn jaqsylyqqa joryp äŋgimeledi.
Gospitaldyŋ qazirgi materialdyq-tehnikalyq jaǧdaiy jaqsy. Qajet apparattardyŋ bäri bar. Kardiologiialyq, stasionarlyq klinikalyq, ambulatorlyq-konsultativtik, diagnostikalyq jäne arnaiy emdeu bölimderiniŋ bäri soŋǧy ülgidegi medisinalyq qūraldarmen jabdyqtalǧan. Joǧary bilimdi äri bilikti 15-20 jyldyq eŋbek ötili bar mamandar men birinşi sanattaǧy därigerler öz isiniŋ naǧyz mamandary ekenin maqtan tūtady.
Biz gospitaldy aralauǧa mümkindik aldyq.
Emdeluşi nauqastarǧa bos uaqytyn yŋǧaily ötkizuge barlyq jaǧdai jasalǧan. Ekeuara şahmat oinap jatsa, keibireuleri gazet oqyp otyr.
Därigerlik qamtamasyz etu böliminiŋ meŋgeruşisi Ekaterina Cherny-kaevanyŋ aituynşa, mūnda nauqastarǧa qajet barlyq däri-därmek memleket tarapynan tegin beriledi. Büginde mūqtajdar 500-den astam däri-därmekpen qamtamasyz etilgendigin alǧa tartty.
Mūnda emdeluge Kökşetau öŋirinen kelgen 92 jastaǧy aqsaqal Salyq Aqtaev pen 90 jastaǧy astanalyq qariia Ahmadiia Bekmadi därigerlerdiŋ ystyq qamqorlyǧyna erekşe alǧystaryn bildirip jatty.
Gülmira AIMAǦANBET
