Astana qalasy Ardagerler keŋesınıŋ töraǧasy Sansyzbai Esılov qala äkımdıgınıŋ mekeme basşylarymen kezdesu ötkızdı.
Kezdesuge Astana qalasy Işkı saiasat basqarmasynyŋ basşysy D.Babamūratov, Belsendı ūzaq ömır süru ortalyǧynyŋ basşysy M.Erketaev, Jastar saiasaty mäselelerı basqarmasynyŋ basşysy Q.Qambarov, Ūlttyq ūlan gvardiiasynyŋ Bas qolbasşysy atynan Ardagerler keŋesı töraǧasynyŋ orynbasary, polkovnik Mūrat Jantemırov, E.Rahmadiev atyndaǧy memlekettık akademiialyq filarmoniiasynyŋ direktory Erlan Däkenov jäne bır top qyzmetker qatysty.
Qarttarǧa körsetken qaiyrymdylyq ailyq barysynda barşa mekeme basşylary aǧa buynǧa körsetken qamqorlyǧy, ömırlık täjıribesı men aqyl-keŋesı, tälım-taǧylymyn baǧalap jürgenderı üşın orny bölek.
Qazırgı kezde qūrmettı demalystaǧy qalamyzdyŋ 116 myŋ zeinetker ardagerlerı qoǧamda ülken jūmys atqaruda, qalamyzdyŋ örkendeuıne öz ülesın qosyp, öskeleŋ ūrpaqtyŋ boiyna patriottyq tärbie qaǧidasyn qalyptastyruda qol ūşyn berıp keledı.
Tört audandyq ardagerler ūiymynda jetpıs myŋǧa juyq zeinetker – 372 bastauyş ardagerler ūiymynyŋ belsendılerı. Är ardager – keşegı qyzmetker, bügın qoǧam belsendılerı, özındık jastarǧa aitary bar tūlǧalar. Sondyqtan jastar arasyndaǧy taqyrypty kezdesulerdıŋ män-maŋyzyn eskerıp, ata-baba dästürın nasihattap, qazaqtyŋ bırtuar batyrlarynyŋ erlıgın eskerıp, jūmystardy jandandyruǧa atsalysuǧa ūsynystar engızıldı.
Qalalyq Ardagerler keŋesınıŋ töraǧasy Sansyzbai Esılov osy kezdesuge şaqyrylǧan mädeniet salasynyŋ, Işkı saiasat, Jastar saiasaty mäselelerı basşylary men Ūlttyq ūlan gvardiiasy Qūrmet rota qarauyly basşylyǧynyŋ biyl «1 qazan – Halyqaralyq qarttar künı şarasynyŋ şeŋberınde atqarylǧan ailyq» aiasynda erekşe qoldau körsetıp, ülken ūrpaq sabaqtastyǧy baǧytyndaǧy şaranyŋ öz därejesınde ötuıne yqpal etkenın eskerıp, aǧalyq yqylasyn bıldırıp, alǧys hat tapsyrdy.
Biyl Memlekettık rämızderdıŋ qabyldanǧanyna 30 jyl, diplomatiialyq kelısımşarttarǧa qol qoiylǧanyna 30 jyl toldy, jaŋa üş oblys qūryldy, referendum ötkızıldı, Qazaqstan Respublikasynyŋ memlekettık, ūlttyq mereke – 25 qazan – Respublika künı airyqşa bükıl qala jūrtşylyǧymen ataldy. Qazaǧymyzdyŋ ūlylarynyŋ da mereitoiy ataldy. Roza Baǧlanovaǧa – 100 jyl, Mänşük Mämetovaǧa – 100 jyl, Talǧat Bigeldinovke – 100 jyl, Dınmūhamed Qonaevqa – 110 jyl, Mūhtar Äuezovke – 125 jyl, Qarakerei Qabanbai batyrǧa – 330 jyl, Qazybek bige – 355 jyl. Atauly şaralardyŋ bärıne bızdıŋ ardagerler belsendı türde qatysty jäne ūiytqysy boldy. Atap aitsaq, biyl Ahmet Baitūrsynūlynyŋ 150 jyldyǧyna orai №48 qazaq mektep-liseiınde qala ardagerlerı aǧa buyn ökılderınıŋ jastarmen erekşe kezdesuın ötkızdı.
1-synypqa barǧan Ahmet Myrza – vunderkind, Alpamys batyr eposyn (A-4 formatymen 25 bet), Abai, Mūqaǧali, Maǧjan, ūlt ūstazy – Ahmettıŋ öleŋderın, Konstitusiianyŋ 98 baby men preambulasyn, Memlekettık rämızderdıŋ tarihyn, avtorlary men memlekettık qyzmetkerlerdıŋ antyn jatqa bıledı jäne sol jiynda «men BŪŪ-nyŋ prezidentı bolamyn» dep alaqanyn Konstitusiiaǧa qoiyp, antty taqyldap aityp berdı.
Osyndai erekşe balaǧa qariialar batasyn berdı, äjeler tılaşar yrymyn jasap, «köteretın jügıŋnıŋ eŋ auyry bılım men kıtap bolsyn» dep qolyna älıppe ūstatty.
Taǧy bır aita keter mysal, Ahmet Baitūrsynūlynyŋ 150 jyldyǧyndaǧy şarada köşelerı Abai atymen atalǧan Äzerbaijan, Gruziia, Türkiia memleketıne veloşerumen attanǧan jerlesımız, jas jurnalist Ernat Melsūlynyŋ josparlaǧan 55 künde 5555 şaqyrymdyq saparyna aq jol tılep, Memlekettık tudy iyǧyna jauyp, şyǧaryp salsaq, ol 2 qaraşa künı saǧat 10.25-te Astana äuejaiyna qondy. Būl azamatymyzdyŋ ülken bır erlıgı dep qabyldaimyz.
Respublika künı merekesı qarsaŋynda qaladaǧy belsendı ardagerler qūramynda 117 adam bar «Aq kimeşek – kielım» atty jaŋadan qūrylǧan analar ūiymy alǧaşqylardyŋ bırı bolyp qazaqstandyqtardy ūlt merekesımen qūttyqtady, basym köpşılıgı analar boldy. Rejisserı, osy ūiym jetekşısı Qazaqstan Respublikasynyŋ eŋbek sıŋırgen qairatkerı, E.Rahmadiev atyndaǧy memlekettık akademiialyq filarmoniianyŋ klassikalyq jäne estradalyq vokal bölımınıŋ körkemdık jetekşısı Arailym Rahymqyzy, hordyŋ dirijerı, qalalyq Ardagerler keŋesınıŋ janyndaǧy «Esıl tolqyndary» halyq ansamblınıŋ jetekşısı, hormeister, professor, dosent Fanida Nūrbaeva. Olar jastardy ata dästürdıŋ negızıne baulu men ūlttyq qūndylyqty nasihattau baǧytyndaǧy jūmystardy öz därejesınde üilestırude.
Keler jyly Halyq qaharmany, Keŋes Odaǧynyŋ Batyry Saǧadat Nūrmaǧambetovtıŋ 100 jyldyǧyn atap ötemız. Keleşekte bärımız bırıgıp qala jastarymen patriottyq tärbiede maŋyzdy kezdesuler ūiymdastyru josparlanyp otyr.
Saltanat MENLIBAEVA,
qalalyq Ardagerler keŋesı media-
tobynyŋ müşesı
