Janar AIJANOVA, änşı:
– Keiıngı kezde sahnadan än aitqanyŋyzdy körmei jürmız. Jeke şyǧarmaşylyǧyŋyzda qandai jaŋalyqtar bolyp jatyr?
Aijan, student
– Soŋǧy uaqytta şyǧarmaşylyǧymda jaŋalyqtar jeterlık. Özderıŋız kuä bolǧandai, «Fobiia» baǧdarlamasyna qatystym. Türlı konsertterge qatysyp, arnaiy telebaǧdarlama jürgızıp jürgen jaiym bar.
– Özım Astana qalasynda tūramyn. Sızdıŋ änderıŋızdı süiıp tyŋdaimyn. Bızge kelıp, jeke şyǧarmaşylyq keşıŋızdı qaşan ötkızesız?
Daniiar, qala tūrǧyny
– Ötken jyly ǧana Kongress-Holda Astana filarmoniiasy jäne «Saryarqa» ansamblımen bırlese otyryp estrada, orkestr jäne dombyra janrlaryn qamtyǧan keremet konsert öttı. Jyl saiyn konsert berıp qadırımdı ketırgım kelmeidı.
– Bolaşaqta änşı bolǧym keledı. Sızdıŋ şäkırtterıŋız bar ma?
Gülsım
– Şäkırt tärbieleu öte ǧibratty ıs dep bılemın. Alaida qazırgı taŋda şäkırt tärbielep jürgenım joq.
– Qazır ekınıŋ bırı – äleumettık jelılerdıŋ qoldanuşysy. Sızdıŋ jeke paraqşaŋyz bar ma?
Samal, student
– Bos uaqyttyŋ bolmauy sebebınen äleumettık jelılerdı qoldanbaimyn. Ondai şarualardy menıŋ atymnan qyzym atqarady.
– Qazaq sahnasyndaǧy dausy erekşe änşısız. Dausyŋyzǧa qalai kütım jasaisyz?
Torǧyn, QazŪÖU studentı
– Dauys änşınıŋ bailyǧy ǧoi. Sondyqtan ärqaşan ziiandy ädetterden boiymdy alşaq ūstaimyn. Uaqytyly tamaqtanu jäne demalu – menıŋ basty qaǧidam. Dauys arqyly adamnyŋ tynysy keŋi tüsedı. Aptasyna ekı ret än salyp tūru arqyly dausymdy tūraqtandyramyn jäne mūnyŋ än sözderın ūmytyp qalmauǧa degen paidasy orasan.
– Ömırdegı eŋ ülken jetıstıgım dep nenı aitar edıŋız?
Maira
– Äiel retınde der kezınde tūrmys qūryp, aiauly ana atanǧanym – menıŋ eŋ ülken jetıstıgım. Al öner jolyndaǧy bar jetıstıkterım atqarǧan eŋbegımnıŋ jemısı dep bılemın. Astanamyz Almaty qalasy bolyp tūrǧan kezınde jai ǧana jaiau kelıp, asyqpai osy joldaǧy asulardyŋ bärınen ötıp, degenıme jettım. Eşqaşan «Köke, Jäke» ızdegen jan emespın. Barlyǧy taza tynym tappai jasaǧan eŋbektıŋ arqasy dep aitar
edım. Qarapaiym halqymdy änımnıŋ şuaǧyna bölegenımnıŋ özı – jetıstık. Osydan artyq jetıstıktıŋ qajetı qanşa?!
– «Fobiia» baǧdarlamasyna qatystyŋyz? Būl baǧdarlama sızge ne berdı?
Jazira, oqytuşy
– Men būl baǧdarlamada özımdı ekınşı qyrymnan körsettım. El arasyndaǧy dästürlı änşılerge degen jaŋsaq pıkır men közqarasty özgertuge üles qostym. Dästürlı änşılerge artyqşa qimyl jasauǧa, ondai baǧdarlamalarǧa qatysuǧa bolmaidy dep sanaityndardyŋ közqarasyn özgerttım. Halyq arasynda «dästürlı änşılerdıŋ qolynan tük kelmeidı, ükılı börıgın kiıp jüredı de qoiady» degen jaŋsaq pıkırlerge balta şaptym. Osydan keiın halyq közqarasynyŋ özgergenın baiqadym. Ömırdegı şynaiy bolmysymdy, äzılge jaqyndyǧymdy, qazırgı zaman aǧymyna ılesken jan ekenımdı körsettım.
– Qazaq estradasynda kımderdı tyŋdaisyz?
Raia, mūǧalım
– Uaqyt bolyp jatsa, barlyǧyn tyŋdauǧa tyrysamyn. «Dos Mūqasannan» bastap barlyǧyn tyŋdaimyn. Ǧarifolla Qūrmanǧalievtyŋ änderın süiıp tyŋdaimyn. Batystyq saryndaǧy änderdı tyŋdaimyn dep aita almaimyn. Dästürlı baǧytta än salǧan soŋ ärqaşan dästürlı ändı därıpteimın. Qazırgı taŋdaǧy batystyq saryn qazaq änınıŋ tüp tamyryn özgertıp jatyr. Ändı özgertsek, tıldı özgertsek, onda qazaqtyŋ bailyǧynan ne qalady? Özımızdıŋ jalpyǧa ortaq dästürlı jäne halyq änderı aityluy qajet. Tek aityp qana qoimai, ol ännıŋ tüp tamyryn, alǧaşqy oryndauşysyn jete tanuymyz tiıs. Är halyq öz dästürlı änın, mädenietın saqtauy qajet.
– Halyq arasynda öner adamy üide otyrmaidy degen pıkır bar. Gastroldık saparlarǧa qanşalyqty jiı şyǧasyz?
Riza
– Soŋǧy uaqytta gastroldık saparlarǧa şyǧyp jürgenım joq. Köbınese aralas konsertterge qatysyp jürmın. Būryn gastroldık saparlardy özım ūiymdastyryp, oblystardy tügel aralap, 6-7 ai jüretınmın. Qazırgı taŋda bıraz atqarylmaǧan şarualarym bar. Solarǧa kırısıp jatyrmyn. Alaida şaqyrǧan jerden qalmaimyn.
– Repertuaryŋyzdaǧy qai ändı ömırbaiandyq dep aita alasyz?
Dinara
– Ömırımdegı jyǧylyp baryp sürınıp tūrǧan jaǧdaidan soŋ sahnaǧa ekı-üş jyl şyqpai, 1999 jyly estrada baǧytynda alǧaş ret «Dostarym» atty änmen şyqtym. Būl – negızınde Oralhan Köşerovtıŋ änı. Ol kısı auruhanada jatqanynda dostary ızdep barǧanda tuǧan än eken. Men osy ändı oryndap şyqqanda, halyq arasynda osy än jaily «öz taǧdyrymen bailanysty än eken, özınıŋ änı eken» degen sözder taraǧan-dy. Taǧdyrymmen jai säikes bolǧan än edı.
Janar SALYBAI,
EŪU studentı