Keşe Astana qalasynyŋ äkımı İmanǧali Tasmaǧambetov jäne Fransiianyŋ Nissa merınıŋ bırınşı orynbasary Benua Kandel qos şahar arasynda yntymaqtastyqty, ıskerlık bailanystardy qalyptastyru jönındegı dostastyq aktısıne qol qoidy.
Qūjat Astana men jaqūt jaǧalauy sanalatyn Nissa qalalarynyŋ arasynda özara tüsınıstık pen teŋ därejelı ärıptestık ornatuǧa baǧyttalǧan.
– Soŋǧy jyldary Qazaqstan men Fransiia arasynda jarasymdy ekonomikalyq bailanystar ornyǧyp keledı, – dedı kezdesude İmanǧali Nūrǧaliūly. – Osyǧan säikes köptegen jobalar jüzege asyrylyp jatyr. Elbasymyz da ekıjaqty yntymaqtastyqty damytuǧa erekşe maŋyz berıp otyr. Biyl Qazaqstandaǧy Fransiia jyly, al kelesı jyl – Fransiiadaǧy Qazaqstan jyly bolyp jariialandy. Mūnyŋ özı ekı el arasyndaǧy jarqyn bailanysty aŋǧartsa kerek.
Elorda äkımı biyl küzde Fransiia jylyna bailanysty Napoleonnyŋ ömırı men qyzmetıne arnalǧan ülken körme ötkızu josparlanyp otyrǧanyn jetkızdı.
Astana äkımınıŋ jyly qabyldauyna rizaşylyǧyn bıldırgen Benua Kandel myrza qos şahardyŋ bır-bırınen aiyrmaşylyǧy köp bolsa da, ortaq qūndylyqtary da bar ekendıgın atap ötıp, bolaşaqta Astana men Nissany qatar damytatyn jobalardy bırlese qolǧa aludy ūsyndy. Sondai-aq, ol «EXPO – 2017» halyqaralyq körmesın ötkızu – Astana üşın de, jas memleket üşın de ülken märtebe ekendıgın aita kelıp, būl aituly şarany ūiymdastyruda täjıribelerımen bölısuge äzır ekendıgın jetkızdı. Būǧan qosa, kelesı jyly Nissada Qazaqstan būryşy aşylatynyn da aita kettı.
Qoinauy tarihqa toly Nissa – turisterdı yntyq etken bırden-bır meken. Astana äkımınıŋ aituynşa, jyl saiyn būl şaharǧa 4 miliionǧa juyq turist keledı. Demek, aty aŋyzǧa ainalǧan qalada Qazaqstan būryşyn aşu – elımızdı älemge tanytatyn ülken mümkındık. Sondyqtan astanalyq tarap būl ūsynysty quana qabyldap, tūjyrymdamasyn äzırleuge müddelılık bıldırdı.
İmanǧali Nūrǧaliūly Fransiiadaǧy Qazaqstan jylyna orai skif altyndary körmesın ötkızudı ūsyndy. Äkım fransuz körermenderın qyzyqtyratyn arheologiialyq jädıgerler mol ekendıgıne toqtalyp, būdan būryn İtaliiada ötken mūndai körme jūrtşylyqtyŋ airyqşa yqylasyna bölengenın atap öttı.
Būdan ärı ekeuara äŋgıme Astana men Nissa qalalary arasyndaǧy bılım men mädeniet bailanystaryn nyǧaituǧa oiysyp, qos tarap student almasu, kadrlar daiarlau, mädeni şaralardy bırlese ötkızu syndy köptegen mäselelerge keŋınen toqtaldy.
Dostastyq aktısıne qol qoiǧan qos şahar Qazaqstannyŋ ekonomikalyq müddesın damytu üşın Fransuz Riverasynan biznes-keŋse aşu kelısımıne de qol jetkızdı.
Qūjat aiasynda qalalyq kölık, innovasiialyq tehnologiialar, telekommunikasiia men energetikalyq qauıpsızdık baǧytynda da köptegen jobalardy bırlese jüzege asyrmaq.
Qymbat nūrǧali
