Soŋǧy ekı jylda tūrǧyndardyŋ tölem kartalaryna degen közqarasy jaqsy jaǧyna qarai aitarlyqtai özgerdı. Köpşılıgı kartamen aqşany alyp qana qoimaidy, onymen türlı tölemder de jürgızedı.
Kartalardy qoldanu kölemınıŋ artuy zaŋnamalyq özgerıster jasauǧa da alyp keldı. Sauda nüktelerınıŋ bärınde tölem kartalaryn qabyldaityn boldy. Adamdardyŋ eŋbekaqyny kartalar arqyly alu mümkındıgı tudy. Ärı kartalarǧa bankter jūmys beruşını emes, qyzmetkerdıŋ özın tırkeidı.
– Bıraq qazır Qazaqstanda bankomattyq jelılerdı azaitu bastaldy. Qaŋtar-mamyr ailarynda bankomattar sany ötken jyldyŋ osy kezeŋımen salystyrǧanda 5 paiyzǧa tömendegen eken. Al, kerısınşe 2016 jyldyŋ mamyr aiynda kartalyq tranzaksiialardyŋ mölşerı odan būrynǧy jyldyŋ osyndai kezeŋımen salystyrǧanda 23 paiyzǧa artyp, 828 mlrd teŋgege jettı, – degen qorytyndy jasaidy Ranking. kz saitynyŋ Qazaqstan ekonomikasy monitoringı jobasy boiynşa sarapşylary.
Elımızdıŋ bankomat jelısınıŋ 11 paiyzy Astanada ornalasqan. Bügınde 1009 bankomattan 994-ı ǧana qalǧan. Al elorda tūrǧyndaryndaǧy karta sany millionnan da köp. Bırınşı mausymda olar 998 myŋ debettı, 66 myŋ nesie limitı bar debettı, aldyn ala tölengen tölem kartalaryn jäne 17 myŋ kredittı kartalardy ūstaǧan.
Ūlttyq Banktıŋ mälımetıne qaraǧanda, halyqaralyq jüiedegı tölem kartalaryn 26 qazaqstandyq bank jäne «Qazpoşta» AQ şyǧarady. Sonymen bırge, bırqatar bankter özderınıŋ jergılıktı tölem kartalaryn ūsynady eken.
Tūrǧyndar kartalardy tölemder jasau üşın de jiı qoldanatyndyqtan, bankterge kez kelgen jerge köp mölşerde bankomat ornatudyŋ da qajetı bolmai barady, sonyŋ ışınde elordada jetkılıktı. Bügınde bankter tek qana özderınıŋ jaŋa bankomattaryn ornatudy ǧana közdep qoimai, basqa banktermen ärıptestık bailanys ornatu baǧytynda kelıssözder jürgızedı.
Naqtyraq aitqanda, bankomattar būrynǧysynşa sūranysqa ie. Astanalyq karta ūstanuşylar mamyr aiynda tauarlar men qyzmetterge, negızınen, POS-terminaldar men İnternet arqyly 14,3 mlrd teŋge kölemınde tölem jasaǧan. Kartalar arqyly qolma-qol aqşa, negızınen, bankomattardan şyǧarylǧan, onyŋ kölemı 77,7 mlrd teŋgege jetken.
Jalpy, kartalar boiynşa operasiialar sany uaqyt ötken saiyn artyp keledı.
Valentina VLADİMİRSKAIа
