Astanada bokstan Afina Olimpiadasynyŋ chempiony Baqtiiar Artaevtyŋ alǧaşqy halyqaralyq aşyq turnirı öttı, dep habarlaidy astana-akshamy.kz.
«Beeline Arena» sport keşenınde 2008-2009 jyldary tuǧan jasöspırımder arasynda 14 salmaq boiynşa jeŋımpazdar anyqtaldy.
«Bırneşe dürkın Olimpiada chempionyn şyǧaru üşın 15-16 jastaǧy jasöspırımderge qazırden köŋıl bölu kerek. Osy maqsat menıŋ bıraz uaqyttan oiymda jür edı. Mıne, endı ideiamnyŋ alǧaşqy qadamy jasaldy. Bırınşı ret ötkızılgen soŋ, bırşama kemşılıkter boldy. Turnirge tek Ortalyq Aziia elderınen ǧana qatysty. Aldaǧy uaqytta memleketterdıŋ sanyn taǧy da arttyrudy közdeimın. Sondai-aq, jülde qoryn da molaitudy qalaimyn. Jasöspırımder boksy bolǧanymen, qatysuşylardyŋ jeŋıske degen jıgerı, tehnikasy eresekterden kem tüspeidı. Äsırese, jeŋıl salmaqtaǧy boksşylarǧa qatty riza boldym», – dedı Baqtiiar Artaev.
5 kündık jarys boiynşa Astana qalasy 1 altyn, 1 kümıs, 3 qola iemdenıp, jalpy esepte 5-orynǧa tūraqtady.
Bäsekenı bastan-aiaq Qazaqstannyŋ jasöspırımder ūlttyq qūramasynyŋ tızıgının ūstaityn Maqsat Ospanov ta baqylady:
«Jasöspırımderge taǧy da bır turnirdıŋ qosylǧany quantady. Sebebı, olar üşın täjıribe almasuǧa ülken mümkındık. Halyqaralyq dodalarda türlı sportşylardyŋ baǧy januy mümkın. Tıptı Qazaqstan chempiony atanǧan boksşylardyŋ 60-70%-y osy bäsekede 1-oryn ala almady. Būl da özge jasöspırımderımızdıŋ biıkten köruıne äser etedı. Aldaǧy uaqytta boksşylarymyz Aziia chempionatyna daiyndyqtaryn jalǧastyrady», — dedı ol.
Turnir qorytyndysynda tek jüldegerler ǧana emes, üzdık boks ülgısın körsetken jäne körermen közaiymy nominasiiasy boiynşa da sportşylar marapattaldy.
Jüldegerlerge aqşalai syilyqtar men medal berıldı.
