Jyl saiyn köktemde qar suy erıp, maŋaidaǧy kölder men kölşıkter suǧa tolǧan saiyn Astanany tasqyn su basyp ketu qaupı tuady. Ondai qater biyl da joq emes. Onyŋ üstıne būl qysta elordada qar köp jaudy.
Degenmen, Astana qalasynyŋ kommunaldyq qyzmetterı qazır onyŋ aldyn alu maqsatynda pärmendı jūmystar jürgızude. Olar sudyŋ astynda qaluy qaupı köbırek audandarda monitoring jürgızıp, su kärızderın tazartudy qolǧa aldy. Äsırese, su qoimalaryna jaqyn jerlerge ornalasqan nysandar kommunaldyq qyzmettıŋ erekşe baqylauyna alynǧan. Jalpy, elordada su astynda qaluy mümkın 27 uchaske bar.
Bügınde keşendı jospardy tiımdı türde jüzege asyru maqsatynda arnaiy qūrylǧan top nöser su kanalizasiiasy kollektorlarynyŋ baulyqtaryn, qabyldaǧyştary men torlaryn, su ötkızu arnalaryn, qūbyrlardy, aryqtardy tazartu jūmystaryn qadaǧalap otyr. Mäselen, Almaty audanynda qysqy kezeŋde qardyŋ 1,2 mln tekşe metrı şyǧaryldy. Atalmyş jūmystarǧa arnaiy 190 tehnika bırlıgı tartylǧan. Sondai-aq, köktemgı kezeŋde erıgen sudy eş qiyndyqsyz ötkızu maqsatynda aryq-naua jelılerınıŋ 11,9 şaqyrymy qar men mūzdan tazartylǧan.
Qala tūrǧyndarynan 209 märte su soryp alu turaly ötınış tüsken. Olardyŋ bärı der kezınde qanaǧattandyryldy. Mūndai tazartu jūmystary qazır barlyq audandarda jürıp jatyr.
Astana äkımınıŋ orynbasary Qosman Aitmūhametov qalanyŋ şetkı aimaqtarynda bolyp, su astynda qaluy mümkın audandardaǧy jaǧdaidy bıldı. Onyŋ aituyna qaraǧanda, qaladaǧy problemaly audandardyŋ sany köp emes. Alaida tūrǧyndardyŋ özıne tiesılı aumaqtan qardy der kezınde şyǧarmauy saldarynan köşeler men aulalarda su jinalyp qalǧan. Mysaly, Kirpichnyi audanyn, Kökseŋgır, Arqaly, Qamysty köşelerın su bırşama basqan.
Jalpy alǧanda, qaladaǧy su basu qaupıne qatysty jaǧdai bırqalypty. Jürgızılıp jatqan şaralardyŋ barlyǧy tötenşe jaǧdaidyŋ, qala aumaǧyndaǧy jeke audandardyŋ su astynda qaluynyŋ aldyn aluǧa septıgın tigızıp, köktemgı kezeŋdegı erıgen, tasqyn sudy qauıpsız türde ötkızu jūmystaryn ūiymdastyrudy qamtamasyz etedı.
