Astanalyq neirohirurtar 52 jastaǧy pasienttıŋ basyndaǧy kölemdı meningioma ısıgın alyp tastady. Jyl basynan berı Ūlttyq neirohirurgiia ortalyǧynda MÄMS boiynşa 745 kürdelı ota jasaldy. Juyrda MÄMS jüiesı aiasynda taǧy bır ota sättı öttı. Mi patologiialary neirohirurgiiasy bölımşesınıŋ neirohirurgtary pasienttıŋ bas süiegıne qarai ösken öte ülken kölemdegı mi qabyǧy meningiomasy ısıgın alyp tastady, dep habarlaidy astana-akshamy.kz.
Isıktıŋ ülken bolǧany sonşalyq, 52 jastaǧy er adamnyŋ basynyŋ sol jaq maŋdai-töbe aimaǧynda ülken tompaq tüiın paida bolǧan. Nauqasty ünemı bas auruy, bas ainalu, qan qysymynyŋ joǧarylauy, aiaqtarynyŋ sezımtaldyǧynyŋ tömendeuı, qūlaqtyŋ şuyly jäne älsızdık mazalady. Isık mölşerı 85*60*55 mm-ge deiın ösken. Ortalyqtyŋ Mi patologiialary neirohirurgiiasy bölımşesınıŋ meŋgeruşısı Nūrjan Ryskeldievtıŋ aituynşa, MRT-ǧa tüsırgennen keiın meningioma anyqtap, er azamatty ŪNO-ǧa jedel emdeluge jıbergen. Pasientke neironavigasiia men apparattyq reinfuziiany qoldana otyryp, sol jaqta ösken intrakranialdy sol jaq maŋdai-töbe aimaǧy meningiomasyn mikrohirurgiialyq täsılmen alyp tastady. Ota 5 saǧatqa sozylyp, ısık tolyǧymen alyndy.
Mūndai hirurgiialyq aralasular kezınde tek zamanaui diagnostikalyq jäne operasiialyq jabdyqtary bar joǧary mamandandyrylǧan ortalyqtarda myqty mamandardyŋ arqasynda oŋ nätijege qol jetkızuge bolady. «Otany maǧan MÄMS aiasynda kvota boiynşa tegın jasady. Isıktı alyp tastaǧannan keiın qan qysymym qalypqa keldı, densaulyq jaǧdaiym jaqsardy, köp ūzamai qajettılıkterımdı özım jasai alatyn qalpyma qaita oralamyn», – dep quanyşymen bölıstı 52 jastaǧy pasient. Aita ketu kerek, jyl basynan berı Ūlttyq neirohirurgiia ortalyǧynda MÄMS boiynşa 745 kürdelı ota jasaldy. Eger qandaida bır sūraqtar tuyndasa, emdeluşıler Medisinalyq saqtandyru qoryna tömende körsetılgen kerı bailanystyŋ resmi arnalary arqyly jügıne alady: Qoldau 24/7 mobildı qosymşasy @saqtandyrybot telegramboty 1414 baĭlanys ortalyǧy Qordyŋ fms.kz saĭty
