Memleket basşysy Qasym-Jomart Toqaev Qostanai oblysyna jūmys saparymen bardy. Eŋ aldymen Rudnyi qalasyndaǧy jylu qūbyrynyŋ jarylu saldarymen tanysyp, qalpyna keltıru jūmystarynyŋ barysy turaly öŋır basşylyǧynyŋ baiandamasyn tyŋdady.
Qala äkımı Quandyq İspergenovtıŋ aituynşa, qazırgı uaqytta qūbyrlar ışınara qalpyna keltırılgen. Sondai-aq topyraq töseu jūmystary jürgızılıp jatyr. Äkım jaqyn arada qalpyna keltıru jūmystary tolyq aiaqtalatynyn mälımdedı.
– Jalpy, elımız boiynşa da, osy oblysta da jylu qūbyrlary apatty jaǧdaida tūr. Jaǧdai öte auyr. Ükımetke bügınnen bastap, äsırese köktem jäne jaz ailarynda qysqy jylytu mausymyna mūqiiat daiyndaludy tapsyramyn. Būl – atqaratyn basty mındet, sebebı mūny sozbalaŋǧa saluǧa bolmaidy. Jelılerdıŋ tozu deŋgeiı öte joǧary, 70, 80, keibır jerlerde tıptı 90 paiyzǧa deiın jetedı. Osy jūmystarmen ainalysu qajet, – dedı Prezident.
Memleket basşysy jylu qūbyrynyŋ jaryluy saldarynan zardap şekken Rudnyi tūrǧyndarymen kezdesu barysynda azamattardyŋ ömırıne būlai qauıp töndıruge bolmaitynyn aitty. Prezident Qostanai oblysy men qala basşylyǧyna jaǧdaidy jedel qalpyna keltırudı tapsyrdy.
– Qūbyrdyŋ jarylǧany turaly habardy tekseru üşın arnaiy keldım. Jaŋa ǧana Ükımetke, oblys pen qala äkımderıne osy mäselemen ainalysudy tapsyrdym, – dedı Qasym-Jomart Toqaev.
Sonymen qatar Memleket basşysy Ükımetke Rudnyidyŋ äleumettık-ekonomikalyq damu mäselelerıne erekşe nazar audarudy tapsyrǧanyn atap öttı. Qasym-Jomart Toqaev tūrǧyn üilerge jyludyŋ qaita berılgenın öz közımen köru üşın Rudnyi tūrǧyndarynyŋ bırınıŋ şaqyruymen onyŋ päterıne bardy. Qala tūrǧyny Olesia Geria jylu beru jūmysyn jedel atqarǧany üşın barlyq qyzmetkerge alǧysyn aitty. Prezident Qasym-Jomart Toqaev Ükımetke jäne Qostanai oblysynyŋ äkımı Qūmar Aqsaqalovqa barlyq kommunaldyq nysannyŋ üzdıksız jūmysyn qamtamasyz etu ısın erekşe baqylauǧa aludy tapsyrdy.
Memleket basşysy Qostanai oblysyna jūmys sapary aiasynda Rudnyi qalasyndaǧy «Jas-Qanat 2006» JŞS-ke qarasty qūs fabrikasyna baryp, qūs şaruaşylyǧyna zamanaui tehnologiialardy engızu jönındegı qanatqaqty jobanyŋ jüzege asyrylu barysymen tanysty. Sehty aralau barysynda Prezidentke kompaniianyŋ qyzmetı turaly mälımet berıldı. Qūs fabrikasynda öndırıletın önım elımızdıŋ barlyq öŋırınde satylady, sondai-aq TMD elderıne eksporttalady. Käsıporyn basşylyǧynyŋ aituynşa, sehtyŋ quaty jylyna 260 million dana jūmyrtqa jäne 500 tonnadan astam et önımderın öndıruge jetedı. Byltyr 517 tonna et jäne 199,1 million dana jūmyrtqa öndırıldı.
Memleket basşysyna öndırıstık quaty saǧatyna 120 myŋnan astam jūmyrtqa şyǧaruǧa jetetın sūryptau, ölşeu jäne markerleu sehyndaǧy Nabel tehnologiiasy körsetıldı. Sondai-aq sehta qūstarǧa jem-su beru jüiesın jäne ylǧaldy, jaryq pen temperaturany qalypty ūstap tūratyn qūrylǧy ornatylǧan. Öndırıstıŋ avtomattandyryluy segız saǧatta millionǧa deiın jūmyrtqa tasymaldauǧa jäne orauǧa mümkındık beredı.
Prezidentke oblys äkımı Qūmar Aqsaqalov öŋırdıŋ önerkäsıptık jäne agrarlyq äleuetı jönınde mälımet berdı. Atap aitqanda, Qasym-Jomart Toqaev auyl şaruaşylyǧy salasyndaǧy perspektivtı jobalarmen tanysty. Osydan keiın Memleket basşysy auyl şaruaşylyǧy tauaryn öndıruşılermen äŋgımelestı. Qasym-Jomart Toqaev Qazaqstan Prezidentı lauazymyna qaita sailanǧannan keiın, eŋ aldymen, auyl men auyldyq aumaqtardy damytu turaly Jarlyqqa qol qoiǧanyn aitty. Sondai-aq auyl şaruaşylyǧy men auyldardy damytuǧa 1 trillion teŋge bölınetının jetkızdı. Onyŋ pıkırınşe, Ükımet pen äkımdıkter būl qarjyny öŋır tūrǧyndaryna barynşa tiımdı bolatyndai jūmsauy kerek.
Memleket basşysy Qostanai oblysyna jūmys sapary aiasynda Sokolov ken ornyna bardy. Prezident «Sokolov-Carybai ken baiytu öndırıstık bırlestıgı» (SSKÖB) aksionerlık qoǧamyna baryp, Sokolov ken ornynyŋ jūmysymen tanysty. Käsıporyn qyzmetınıŋ negızgı türlerı – temır rudalaryn aşyq jäne jer astynda öndıru, qūramynda temırı bar şekemtastar men konsentrattar jäne tauarlyq dolomit öndıru. 2022 jyldyŋ qorytyndysy boiynşa 26 million tonna ken öndırıldı, tauar önımınıŋ kölemı 10 million tonnadan asty. Ken ornynda Prezidentke «Euraziialyq top» JŞS-tıŋ basqarma töraǧasy Serık Şahajanov ystyq brikettelgen temır öndırısı jobasyn jäne ken ornyn basqarudyŋ avtomattandyrylǧan jüiesın tanystyrdy. Memleket basşysyna «Sokolov-Carybai ken baiytu öndırıstık bırlestıgınıŋ» Europaǧa eksporttaityn önımderın ūlǧaitu jospary turaly mälımet berıldı. Prezident tau-ken öndıru sektory otandyq ekonomikanyŋ ösımın arttyratyn negızgı salanyŋ bırı ekenın atap öttı. Memleket basşysy tau-ken öndıru ısın damytuǧa qosqan ülesı üşın käsıporyn jūmysşylaryna alǧys aityp, jūmystaryna tabys tıledı.
Prezident Qostanai oblysyna jūmys sapary aiasynda Allur avtomobil zauytyna bardy. Qasym-Jomart Toqaevqa käsıporyn jūmysy tanystyrylyp, aldaǧy jospary baiandaldy. Zauyt basşylyǧynyŋ aituynşa, byltyr 614,2 milliard teŋgenıŋ önımı öndırıldı. Ötken jyly zauyt qūny 21,5 milliard teŋge bolatyn önım eksporttady. Käsıporynda 2 myŋnan astam adam jūmys ısteidı. Allur avtomobil zauytynyŋ jaŋadan ıske qosylǧan jelısı Kia Sportage modelıne arnalǧan. CKD – şanaqtardy dänekerleu, boiau jäne qūrastyru jönındegı tehnologiialyq jūmystardy jüzege asyratyn şaǧyn torapty avtomobil öndırısı. Ol üşın arnaiy sehtar aşylǧan. Kia öndırısınıŋ osy tehnologiialary Ortalyq Aziia men TMD boiynşa Qazaqstanda ǧana ornalasqan.
Prezident zauytty aralau barysynda jas jūmysşylarmen äŋgımelesıp, olarǧa qoldau bıldırdı.
– Zauyt öte keremet eken. Taza ärı öndırıs mädenietı öte joǧary. Bız jaŋa ǧana Kıa Sportage kölıgın kördık. Būl kölıktıŋ sapasy öte joǧary. Sondyqtan sūranys joǧary bolady dep oilaimyz. Bız keleşekte investorlar şaqyryp, būl zauytty ūlǧaitamyz. Zauyttyŋ bolaşaǧyna bailanysty eşqandai mäsele joq dep oilaimyn. Jastarǧa ülken män berıp otyrmyz. Sondyqtan bärı dūrys bolady, – dedı Qasym-Jomart Toqaev.
Zauyt ökılderı biyl Kia Cerato şyǧaratyn CKD jelısın ıske qosu josparlanǧanyn atap öttı. Sondyqtan kompaniia tehnikalyq baǧyttaǧy oqu oryndarymen tūraqty jūmys jürgızudı bastaǧan. Osy rette käsıporyn basşylyǧy tehnikalyq oqu oryndarynyŋ studentterı men tülekterıne arnalǧan 250 oryndyq kampus ülgısındegı jaŋa zamanaui jataqhana qūrylysynyŋ bastalǧanyn mälımdedı.
Kia Corporation prezidentı jäne bas direktory Ho Sun Son beinebailanys arqyly şaraǧa qatysyp, avtomobil jasau salasyndaǧy Qazaqstan-Koreia yntymaqtastyǧynyŋ maŋyzyn atap öttı.
– Bız Qazaqstan naryǧy üşın aşylyp jatqan bolaşaǧy zor mümkındıkterge rizamyz. Qazaqstan ekonomikasy keŋ auqymda jäne jyldam damyp keledı. Naryqtaǧy biznesımızdıŋ äleuetı mol ekenın körıp otyrǧandyqtan, men osy mümkındıktı paidalana otyryp, el basşylyǧyna jeke biznestı damytqany üşın alǧys aitqym keledı. Bız būl ülken ıstıŋ bastamasy ǧana dep senemız, – dedı korporasiia basşysy.
Sonymen qatar Memleket basşysyna Qostanai oblysynyŋ äkımı Qūmar Aqsaqalov jüzege asyrylyp jatqan 3 joba men bolaşaqta qolǧa alynatyn basqa da investisiialyq bastamalar turaly baiandady. Oryndalyp jatqan jobalardyŋ alǧaşqysy – temır qūiu sehynyŋ qūrylysy. Biyl ıske qosylatyn käsıporynda 300 tūraqty jūmys orny aşylmaq. Onyŋ qūny – 78,2 milliard teŋge. Jylyna 45 myŋ tonna qūima qūiatyn joba innovasiialyq önım kölemın 8 paiyzǧa ūlǧaituǧa mümkındık beredı.
Jüzege asyrylyp jatqan ekınşı joba – jük kölıkterınıŋ bölşekterın şyǧaratyn zauyttyŋ qūrylysy. Käsıporyn 2 jyldan soŋ ıske qosylady. 360 adamǧa tūraqty jūmys oryn ūsynatyn jobanyŋ qūny – 82,5 milliard teŋge.
