BALǦYN SURETŞILER BOIаUY
«Jer – bızdıŋ ortaq üiımız» atty respublikalyq balalar ekologiialyq plener baiqauy öz märesıne jettı. Biyl būl baiqau Qazaqstanda onynşy ret ötkızıldı.
Soŋǧy jyldary baiqaudy ötkızudı Qazaqstan IýNESKO klubtary ūlttyq federasiiasy öz qolyna alǧan. Alǧaşynda balalardyŋ qolymen salynǧan suretter bır ǧana atalym boiynşa baǧalanyp keldı. Al, qazırgı taŋda oǧan zamanaui nominasiialar kırıktırılgen. Mäselen, osy jyly «Ekologiia jäne interer dizainy» nominasiiasy boiynşa Valeriia Skrepsova jeŋımpaz atandy. «Ekologiia jäne kostium dizainy» nominasiiasynyŋ bas jüldesın Anastasiia Vunder ielendı. «Ekologiia jäne säulet önerı» boiynşa jüldeger Konstantin Kadurkin boldy. «Ekologiia jäne landşaft dizainy» boiynşa jüldenı Alena Drujinina qanjyǧasyna bailady.
Biylǧy plener Esıldıŋ jaǧasynda ötkenın erekşe atap aitqan jön. Elordaǧa elımızdıŋ tükpır-tükpırındegı körkemsuret mektepterınıŋ jas suretşılerı jinaldy. Alǧaşqy jyly baiqauǧa 50 suretşı qatysuǧa niet bıldırgen bolsa, on jyl ışınde olardyŋ sany ekı myŋnan asyp jyǧylǧan eken. Olarǧa suret önerınıŋ qyr-syryn üiretuge Kamil Mollaşev, Amandos Aqanaev, Erlan Aituarov syndy maitalman suretşıler üles qosqan. Qatysuşylardyŋ denı baiqaudaǧy jetıstıkterınıŋ arqasynda keleşektegı mamandyqtaryn taŋdaǧan. Är jyldary jeŋımpaz atanǧan suretşıler baiqau-dy ystyq yqylaspen eske alǧan beinebaiandar Astanadaǧy Oquşylar saraiynda ötken marapattau räsımınde körsetıldı. 2003 jylǧy bas jülde iegerı Saltanat Satybaldieva bügıngı taŋda osy plenerdegı jeŋısınıŋ äserımen Jürgenov atyndaǧy Qazaq öner akademiiasyn tämamdaǧan. Qazır būl jobanyŋ bas demeuşısı «Şevron» kompaniiasy bolǧanymen, Qorşaǧan ortany qorǧau, Mädeniet jäne aqparat, Bılım jäne ǧylym ministrlıkterı, qala äkımdıgı de tūraqty türde qoldau körsetıp keledı.
Sanjar KEŊESOV, L.Gumilev atyndaǧy EŪU studentı