BAS QALADAǦY BASQA BAǦDARŞAM
Aldaǧy düisenbı, 29 tamyzdan bastap Astanadaǧy Qabanbai batyr köşesı men Qorǧaljyn tas jolynyŋ qiylysyna elmızde būryn-soŋdy bolmaǧan bölekşe baǧdarşam ornatylady. Jaŋa qondyrǧyny elordalyq IID Äkımşılık polisiia basqarmasy eksperiment retınde ūsyndy.
Atalmyş apparat qyzyl tüstı «+» belgısı türınde baǧdarşam janyna bekıtıledı. Būǧan ūqsas signal bügınde Fransiiada keŋınen tanymal. Onyŋ eŋ basty artyqşylyǧy – solǧa qarai būrylǧan kölıktıŋ qauıpsızdıgın qamtamasyz etuınde. Iаǧni, belgı tek sol jaqqa qarai būrylatyn jürgızuşılerge ǧana arnalǧan. Mūnda «+» signaly qarama-qarsy baǧyttaǧy baǧdarşamnyŋ qyzyl közı janyp ne sönıp tūrǧanynan habar beredı.
Mäselen, Qabanbai batyr men Qorǧaljyn tas jolynyŋ qiylysynda janama baǧyt boiynşa Tūran daŋǧylynan kele jatqan transporttyŋ ötuıne rūqsat beretın baǧdarşam signaly erterek janady. Däl osy kezde solǧa qarai eş kedergısız ärı qauıpsız būrylatyn mümkındık tuady. Jürgızuşıler «+» signalynyŋ kömegımen qarama-qarsy baǧytpen kele jatqan kölıkter üşın baǧdarşamnyŋ qyzyl közı janyp ne sönıp tūrǧanyn bıledı. Eger «+» signaly öşıp qalsa, qarama-qarsy baǧyt öz qozǧalysyn bastaidy jäne olarǧa jol beru kerek. Osylaişa jol qozǧalysynyŋ qauıpsızdıgı joǧarylaidy.
Botagöz MARATQYZY