BÄSEKE ENDI BASTALMAQ
Futboldan Qazaqstan chempionatynyŋ premer ligasynda bırınşı kezeŋ märege jettı. Jüldeler üşın jäne premer ligada «jan saqtau» oiyndaryn endı bastalatyn ekınşı kezeŋnen köretın bolamyz.
Sonymen, bırınşı kezeŋnıŋ qorytyndysynda alǧaşqy alty orynǧa taban tıregen komandalar chempionattyŋ altyn, kümıs jäne qola jüldelerın, sonymen qatar, UEFA-nyŋ Chempiondar ligasy men Europa ligasyna berıletın joldamany sarapqa salatyn bolady. Al qalǧan alty komandanyŋ negızgı maqsaty – premer ligada ornyn saqtap qalu. Soŋǧy ekı orynda qalǧan komandalar kelesı jyly bırınşı ligada oinaityn bolady. Olardyŋ premer ligadaǧy ornyn bırınşı ligada top jarǧan qos komanda toltyrady.
Ötken demalys künderı ötken soŋǧy turdyŋ oiyndarynda mynandai nätijeler tırkeldı: «Astana» – «Tobyl» 2:1, «Şahter» – «Aqjaiyq» 4:0, «Atyrau» – «Taraz» 3:1, «Ertıs» – «Ordabasy» 2:0. «Jetısu» – «Qairat» 0:0, «Aqtöbe» – «Vostok» 0:1.
Ǧalym QOJABEKOV