Memleket Basşysy N.Ä.Nazarbaevtyŋ strategiialyq maqsattaryn jüzege asyrudaǧy tūǧyrly tıregı – «Nūr Otan» Halyqtyq Demokratiialyq partiiasynyŋ elımızdıŋ jäne astanamyzdyŋ mädeni-ruhani, saiasi-ekonomikalyq damuyna qosqan ülesı az emes.
2013 jylǧy 1 şıldedegı mälımetterge säikes, partiianyŋ Astana qalalyq filialynda 322 bastauyş partiia ūiymy, 96 partiialyq baqylau beketı,
26 qoǧamdyq qabyldau bölımı bar. Bedelı künnen-künge artyp kele jatqan «Nūr Otan» HDP biylǧy jyly partiia müşelerın esepke alu, elektrondyq qoǧamdyq qabyldau ürdısterın jetıldıru maqsatynda ortalyqtandyrylǧan derekter bazasyn qūrdy. Osy baǧytta qalalyq bastauyş ūiymdarynda partiia müşelerınıŋ tızımı qaita jaŋartylyp, olardyŋ sapalyq qūramyna köŋıl bölıne bastady. Bügınde Astana qalasy boiynşa nūrotandyqtar sany 37 myŋ adamdy qūraidy. Jyl basynan berı elordalyq partiia ūiymynyŋ töraǧasy, Astana qalasynyŋ äkımı İmanǧali Tasmaǧambetovtıŋ jetekşılıgımen «Nūr Otan» HDP Astana qalalyq filialynda ıs-qaǧazdar jürgızu tolyǧymen memlekettık tılge köştı. Būl bastama Elbasy Joldauyndaǧy «Qazaq tılın keŋınen qoldanu jönındegı keşendı şaralardy jüzege asyrudy jalǧastyru kerek» degen naqty tapsyrmasyna sai jürgızılıp otyr. Iаǧni, alǧaşqy jartyjyldyq partiianyŋ qalalyq filialy üşın tyŋ bastamalarǧa toly boldy.
Nūrotandyqtar qala damuynyŋ barlyq salasyna qatysa otyryp, memlekettık jäne partiialyq baǧdarlamalardy tiımdı jüzege asyruda. Biyl «Nūr Otan» HDP Töraǧasynyŋ nūsqauyna säikes, «Qazaqstan. 2017 maqsattary. Ūlttyq ıs-qimyl jospary» atty sailaualdy tūǧyrnamasyn jüzege asyru boiynşa bilıktıŋ atqaruşy organdaryna partiialyq baqylaudy küşeitu jūmystary qolǧa alyndy. Sonymen qatar, ÜİİDMB, «Balapan», «Aq būlaq», «100 mektep, 100 auruhana», Tūrǧyn üi şaruaşylyǧyn jaŋǧyrtu, «Qoljetımdı baspana», «Halyqtyq IPO», «Biznestıŋ jol kartasy – 2020» syndy äleumettık-ekonomikalyq baǧdarlamalar boiynşa aqparatty jinau jäne sūryptau jürgızılıp, baǧdarlamany jüzege asyruǧa bölıngen qarajattyŋ maqsatty jūmsaluy jıtı baqylanuda.
Qoǧamdyq qabyldau jūmystary – partiia qyzmetınıŋ maŋyzdy bölıgı. «Nūr Otan» HDP Astana qalalyq filialy memlekettık jäne jergılıktı atqaruşy organdardyŋ qatysuymen elordanyŋ barlyq audandarynda qoǧamdyq qabyldaular ötkızıp keledı. Qazırgı uaqytta partiia filialy janynda bır qoǧamdyq qabyldau bölımı jäne Astana qalasy mäslihaty deputattarynyŋ okrugterınde däl osyndai 25 bölım jūmys ısteidı. Biyl qaŋtar-mamyr ailarynda barlyǧy 4390 azamat jeke mäselelerı boiynşa qabyldandy. Olardyŋ 4193-ıne auyzşa qūqyqtyq keŋester berılse, 197-sıne jazbaşa jauap qaitaryldy. Ötınışterdıŋ basym köpşılıgı äleumettık maŋyzdy mäselelerge bailanysty ekenın aŋǧaruǧa bolady. Atap aitar bolsaq, 1268-ı – jūmysqa ornalasu, 1082-sı – qūqyqtyq keŋes beru, 802-sı – tūrǧyn üi-kommunaldyq şaruaşylyq, 174-ı – bılım beru, 124-ı – densaulyq saqtau salasyna qatysty. Partiia ärbır ötınıştı nazardan tys qaldyrmai, tiıstı memlekettık organdardy jūmyldyru arqyly azamattarǧa jan-jaqty qoldau körsetudı maqsat etedı.
«Nūr Otan» HDP ana men bala saiasaty, otbasy qūndylyqtary, salauatty ömır salty, sybailas jemqorlyqqa qarsy küres jäne t.b. äleumettık baǧyttaǧy ǧylymi-täjıribelık konferensiialardyŋ ūiytqysy bolyp keledı. Osy oraida, partiia respublikalyq jäne jergılıktı basqaruşy organdardy, memlekettık qyzmetkerlerdı, qūqyq qorǧau organdaryn, ükımettık emes ūiym ökılderın qoǧamdaǧy özektı mäselelerdı talqylau maqsatynda bır arnaǧa toǧystyrady.
Partiianyŋ halyqaralyq yntymaqtastyq salasyndaǧy jetıstıkterı de joq emes. 2013 jyly 2-5 şılde aralyǧynda partiiaaralyq bailanysty nyǧaitu maqsatynda Qytai Kommunistık partiiasynyŋ delegasiiasy ıssaparmen Astana qalasyna keldı. Delegasiia müşelerı «Nūr Otan» HDP basşylarymen kezdesıp, partiia jūmysymen tanysty. Būl kezdesu memleketaralyq qalyptasqan dostyq, tatu körşılık qarym-qatynasty damytu, partiiaaralyq täjıribe almasuda maŋyzdy oryn aldy.
Bügınde «Nūr Otan» partiiasy qarapaiym azamattardan bastap, joǧarǧy memlekettık organdarǧa deiın tūtas halyqty ortaq mūratqa bırıktıruşı, qoǧamnyŋ bırden-bır qozǧauşy küşıne ainalyp ülgerdı. Partiia memlekettık organdardy äleumettık-saiasi maŋyzdy mäselelerdı talqylauǧa, qoǧamdyq ıs-şaralarǧa qatysuǧa, halyqpen tyǧyz bailanys ornatuǧa şaqyrady.
Biylǧy jyl – elordamyz Astana qalasynyŋ 15 jyldyq mereitoiynyŋ atap ötıluımen erekşe. Elımız täu etken täuelsızdıgın älemge äigılegennen bastap özın aimaqtyq köşbasşy retınde tanytyp, äleumettık-ekonomikalyq jäne saiasi reformalardy qarqyndy jürgızu arqyly halyqaralyq qauymdastyqtyŋ beldı müşesıne ainaldy. Täuelsız Qazaqstannyŋ sara jolyn dara Astananyŋ qalyptasuynsyz elestetu mümkın emes. Prezident öz maqalasynda aitqandai: «Astana – Qazaqstandy älemge tanytqan, damudyŋ jaŋa biıkterıne bastaǧan, halyqty toptastyrǧan bızdıŋ bükılqazaqstandyq jalpyūlttyq ideia». Al, Elbasy tızgının ūstaǧan «Nūr Otan» Halyqtyq Demokratiialyq partiiasy elorda damuynyŋ maŋyzdy tetıgıne ainalǧanyna köz jetkızıp otyrmyz. 2017 jyly Astana qalasynda tarihi maŋyzdy oqiǧa – «EXPO 2017» körmesı, sonymen qatar, memlekettık maŋyzdy ıs-şara – kezektı parlamenttık sailau ötedı. Sondyqtan partiia filialy atqaratyn auqymdy şaralar älı alda dep bılemız.
Oljas BEISENBAEV,
«Nūr Otan» HDP Astana qalalyq filialynyŋ keŋesşısı
