BÄSEKELESTIK ORTA QALYPTASTYRUDYŊ TİIMDI JOLY
Elımızde mülık pen kapitaldy jariia etu aksiiasymen qatar, memlekettıŋ qatysuyndaǧy kommunaldyq menşıktı jekeşelendıru jūmystary da jürıp jatyr.
Osydan ekı jyldai būryn Elbasy öz Joldauynda elımızdegı strategiialyq emes nysandardy jekeşelendırıp, bäsekelı ortaǧa tapsyru jönınde tapsyrma bergenı belgılı. Būl baǧyttaǧy jūmystar Astana qalasynda da jürgızılude.
Osyǧan bailanysty elordada kommunaldyq zaŋdy tūlǧalardy jekeşelendıru jūmystary ärı qarai jalǧasyp jatyr.
Astana qalasy Qarjy basqarmasynyŋ mälımetıne süiensek, qazırdıŋ özınde bäsekelı ortaǧa 11 kommunaldyq menşıktegı zaŋdy tūlǧa berılıp ülgergen. Käsıbi emes aktivterdı satu jönındegı jūmystardy qarqyndy ärı tiımdı jüzege asyru üşın bas qalada 2014-2016 jyldarǧa arnalǧan jekeşelendırudıŋ keşendı jospary bekıtılgen.
Qarjy basqarmasynyŋ aqparaty boiynşa atalǧan josparǧa säikes, Astana boiynşa 38 zaŋdy tūlǧa jekeşelendıruge jatady. Olardyŋ ışınde 11-ı – 2014 jyly, 7-euı – 2015 jyly, 20-sy 2016 jyly jekeşelendırıledı dep josparlanuda.
Būdan özge, keşendı josparlardy oryndau maqsatynda Astana qalasy Käsıpkerler palatasy ökılderınıŋ qatysuymen kvazimemlekettık sektor subektılerı men memlekettık jyljymaityn mülık nysandaryn oŋtailandyru boiynşa komissiia qūrylǧan. Būl komissiia kommunaldyq menşıktegı nysandardy tiımdı paidalanuǧa jan-jaqty saraptama jürgızıp, jekeşelendıruge jatatyn basqa da kvazimemlekettık käsıporyndardy anyqtaityn bolady.
Qarjy basqarmasynyŋ mälımetınşe, keŋ auqymdy qamtityn jekeşelendıru üderısı mynadai nätijelerge alyp kelmek: bırınşıden, jergılıktı atqaruşy organdar käsıbi emes aktivter men özınıŋ qyzmetınen tys jūmystardan bosap, kommunaldyq zaŋdy tūlǧalar sany oŋtailandyrylatyn bolady. Būl jergılıktı memlekettık mekemelerdıŋ qyzmet sapasyn arttyra tüspek.
Ekınşıden, qala ekonomikasyndaǧy osyǧan deiın memlekettıŋ qatysuymen qūrylǧan käsıporyndardyŋ orny bosap, şaǧyn jäne orta biznestıŋ damuyna qosymşa serpın beredı. Sonymen qatar, memlekettık mülıktı satudan biudjetke qosymşa qarjy tüsetını aitpasa da tüsınıktı.
Este ūstaityn jait, jekeşelendıru nysandaryn satu jönındegı erejeler boiynşa, olardy satu memlekettık mülıktı jekeşelendıru boiynşa auksion jäne tender türınde www.gosreestr.kz. veb-portaly arqyly elektrondyq sipatta ötkızıledı. Atalǧan saittyŋ elektrondyq satu bölımınde jekeşelendıruge şyǧarylǧan memlekettık nysandar jönınde keŋınen tanysyp, tolyqqandy maǧlūmat aluǧa bolady.