Beinekameranyŋ kömegı köp
Bügınde elordada Jedel basqaru ortalyǧynyŋ 800-den astam beinebaqylau kamerasy ornatylǧan. Būl qūrylǧylar qylmystyŋ ızın suytpai aşuǧa ärı qūqyq būzǧan azamattardy jazbai tanuǧa ülken kömek bolyp tūr.
Osy beinekameralardyŋ kömegımen Jedel basqaru ortalyǧynyŋ qyzmetkerlerı 30 qylmystyq, 10 myŋnan astam äkımşılık qūqyqbūzuşylyqty anyqtapty. Aitalyq, biylǧy jyldyŋ 27 nauryzynda saǧat 15.50 şamasynda «102» telefonyna Astana qalasynyŋ 32 jasar tūrǧyny habarlasyp, Jangeldin men Beibıtşılık köşesınıŋ qiylysynda belgısız bıreuler jeke mülıgın, qūjattary men aqşasy salynǧan sömkesın tartyp alyp ketkendıgın jetkızgen. Jedel basqaru ortalyǧy operatory şūǧyl äreket etıp, beinebaqylau kameralaryn qarau barysynda küdıktılerdı baiqaǧan. Oqiǧa ornyna Astana qalasy IID Jergılıktı polisiia qyzmetınıŋ jol-patruldık polisiia jasaǧy baǧyttalyp, küdıktıler bırden qolǧa tüsken.
Tergeu amaldary barysynda jäbırlenuşı olardy jazbai tanyǧan. Atalmyş fakt QR QK-nıŋ «tonau» baby boiynşa sotqa deiıngı tergeulerdıŋ bıryŋǧai tırkeuıne alyndy.
Sondai-aq, 22 nauryz künı saǧat 17.10 minut şamasynda Jedel basqaru ortalyǧynyŋ «102» pultıne Astana qalasynyŋ tūrǧynynan belgısız bıreudıŋ üi aulasynan qūny 100 000 teŋgeden astam somadaǧy jeke mülkın (velosiped) ūrlaǧany jönınde habarlama tüsken. Jedel basqaru ortalyǧynyŋ kameralary arqasynda operator küdıktını baiqaǧan. Oqiǧa ornyna jetken polisiia jasaǧy Aqmola oblysynyŋ 21 jastaǧy tūrǧynyn qūryqtap, Almaty audanynyŋ IIB-na jetkızdı.
Mıne, osyndai tiımdılıgı bar beinekameralardy mamandar jyl saiyn köbeitudı qolǧa aluda. Astana qalasy Işkı ıster departamentı bırqatar memlekettık qūrylymdarmen bırlese jūmys ıstep, beinebaqylau kameralary jelısın keŋeitu, azamattardyŋ qauıpsızdıgın qamtamasyz etu syndy mäselelermen üzdıksız ainalysyp keledı.
Qymbat NŪRǦALİ