Bılım bäigesı bastaldy
Keşe Astanada ötken Ūlttyq bıryŋǧai testıleudıŋ alǧaşqy künınde 2000-ǧa tarta elordalyq talapker synaq tapsyrdy. Kelesı testıleu 5 jäne 7 mausym künderı ötedı.
Läzzat BÖLEBAEVA, QR Bılım jäne ǧylym ministrlıgınıŋ bılım jäne ǧylym salasyndaǧy baqylau komitetı töraǧasynyŋ orynbasary:
– Biyl Ūlttyq bıryŋǧai testıleuge qandai özgerıster engızıldı?
– Aǧymdaǧy jyly ūlttyq bıryŋǧai testıleudı ötkızu formaty özgermeidı. 155 ūlttyq bıryŋǧai testıleudı ötkızu punkterınde 100 myŋdai bıtıruşı, iaǧni, jalpy mektep bıtıruşı tülekterdıŋ 70 paiyzy qatysady.
Bırınşı künı ūlttyq bıryŋǧai testıleu 56 punktte ötedı jäne oǧan 25 756 bıtıruşı qatysady.
Qazaqstan Respublikasy Bılım jäne ǧylym ministrlıgı BAQ-tyŋ, sondai-aq, 100 myŋnan astam mektep tülekterınıŋ, pedagogter men ata-analar qoǧamdastyqtarynyŋ, onyŋ ışınde interaktivtık rejimde 63 myŋ mektep tülekterınıŋ qatysuymen keŋ kölemde aqparattyq-tüsındıru jūmystaryn jürgızdı.
Respublikadaǧy mektep tülekterın psihologiialyq beiımdeu maqsatynda synaq testıleu jürgızıldı. 878 myŋ sūraq kıtapşasy men ūlttyq bıryŋǧai testıleudıŋ pänderı boiynşa 210 myŋ oqu qūraly jaryq kördı.
2020 jylǧa deiın bılım berudı damytudyŋ memlekettık baǧdarlamasyna jäne jyl saiyn testıleu barysyn jetıldırudıŋ täjıribesıne säikes aǧymdaǧy jyly 20 900 test tapsyrmasy qūraldy. Sonymen qatar, bazada är nūsqaǧa bır tapsyrmadan engızıletın matematika pänı boiynşa qūrastyrylǧan 3000 logikalyq sipattaǧy tapsyrma bar. Ūlttyq bıryŋǧai testıleudı ötkızu punktterıne arnauly daiyndyqtan ötken Qazaqstan Respublikasy Bılım jäne ǧylym ministrlıgınıŋ 1500 ökılı bölınıp otyr. Qazaqstan Respublikasy Bılım jäne ǧylym ministrlıgı men jergılıktı atqaruşy organdar barlyq punktte Ūlttyq bıryŋǧai testıleudı tabysty ärı qalypty ötkızu üşın qajettı jaǧdailar jasauda.
– Joǧary oqu ornyna tüsu üşın qanşa ball jinasa jetkılıktı?
– «Bılım beru», «auyl şaruaşylyq ǧylymdary» jäne «veterinariia» mamandyqtary boiynşa aqyly bölımge oquǧa tüsu üşın ŪBT-dan 60 ball jinasa jetkılıktı. Ūlttyq joǧary oqu oryndaryna tüsudıŋ eŋ tömengı şektı baly 70 bolsa, özge JOO-larda būnyŋ deŋgeiı – 50 ball. Al, «jalpy medisina» mamandyǧy boiynşa kem degende 55 ball jinau kerek. 3 mausymnan 15 mausym aralyǧynda respublikada Ūlttyq bıryŋǧai testıleu ötedı. Jalpy, elımızde ŪBT onynşy ret ötkelı otyr. Ūlttyq bıryŋǧai testıleuge 9 jyl ışınde 1 million 240 myŋ adam qatysty, iaǧni, mektep tülekterınıŋ jalpy sanynan 80%-dy qūraidy.