Elordada qalalyq Bılım basqarmasynyŋ alqa otyrysy öttı. Onda 2022 jyldyŋ qorytyndysy men 2023 jylǧa arnalǧan jospar turaly aityldy. Şaraǧa Astana qalasy äkımınıŋ orynbasary Eset Baiken, Bılım basqarmasynyŋ basşysy Qasymhan Senǧazyev, Oqu-aǧartu ministrlıgı Bılım salasynda sapany qamtamasyz etu komitetı Astana qalasynyŋ bılım salasynda sapany qamtamasyz etu departamentınıŋ basşysy Gülbaqyt Serıkjanqyzy, Astana qalasy boiynşa bala qūqyqtary jönındegı uäkıl Äsima Bimendina jäne bılım beru ūiymdarynyŋ basşylary, mūǧalımder qatysty.
Alqa otyrysynda alǧaş bolyp Bılım basqarmasynyŋ basşysy baiandama jasady. Ol elordadaǧy bılım beru sapasyna toqtalyp, 2023 jylǧa arnalǧan jospardy, onyŋ şeŋberınde atqarylatyn ıs-şaralarmen bölıstı. Biyl tärbieşılerdı bılıktılıgın arttyru kursynan ötkızuge, apatty jäne üş auysymdy mektepterdı joiuǧa erekşe nazar audarylatynyn atap öttı.
Biyl balabaqşalardaǧy oryndardy ūlǧaitu maqsatynda jekemenşık mektepke deiıngı ūiymdarda 8000 orynǧa memlekettık tapsyrys ornalastyrylady. Sonymen qatar tūrǧyn üi keşenderınıŋ bırınşı qabatynda qadamdyq qoljetımdılık qaǧidaty boiynşa 200 orynǧa arnalǧan balabaqşalar jelısı aşylady.
«Byltyr balabaqşa tärbieşılerınıŋ 120 pedagogy qaita daiarlau kursyn jäne 641 pedagog bılıktılıgın arttyru kursynan öttı. 2023 jyly mektepke deiıngı bılım beru pedagogtaryna arnalǧan bılıktılıktı arttyru kursynan jalpy 1012 tärbieşı ötedı. 2025 jylǧa deiın beiındı bılımı bar tärbieşılerdıŋ ülesın kezeŋ-kezeŋımen 100 paiyzǧa jetkızetın bolamyz» dedı Q.Senǧazyev.
Basqarmanyŋ aqparatyna säikes, 2023 jyly 34 balabaqşadaǧy şaǧyn säulet nysandary auystyrylady. 2025 jylǧa deiın balabaqşalardaǧy şaǧyn säulet nysandary 100 paiyz jaŋartylady.
2023 jyly tehnikalyq jäne käsıptık bılım beru ūiymdaryna 1400 orynǧa pedagogika mamandyqtary boiynşa memlekettık bılım beru tapsyrysy ornalastyrylady. 2022 jyly 3077 pedagog bılıktılıktı arttyru kursynan ötse, 2023 jyly 5481 pedagog kurstan ötetın bolady.
Biyl mektepterde körkem ädebiet qoryn ūlǧaitu maqsatynda biudjetten 100 mln teŋge bölınedı. Kıtaphanalardyŋ intererın qaita jaŋǧyrtu boiynşa jūmys jalǧasuda. Bügıngı taŋda qalanyŋ 36 mektebınde kıtaphanalar zamanaui jabdyqtaldy. Elordalyq 46 mektepte oqyrmandarǧa arnalǧan kovorking (soworking) aimaqtary aşyldy. 2023 jyldyŋ 2 toqsanynyŋ soŋyna deiın 19 mektep kıtaphanalarynyŋ intererı (redizain) jaŋartylyp, jaŋa kovorking ortalyqtary aşylady.
2022 jyly 41 mektepke 64 pändık kabinet satyp alu arqyly mektepterdıŋ 70,3 paiyzy jaŋartylǧan pändık kabinettermen jabdyqtaldy. 2023 jyly 22 mektepke 29 pändık kabinet satyp alynady.
Biyl da qosymşa bılım beru ūiymdarynyŋ jelısın damytu boiynşa jūmys qarqyndy jalǧasady. 2023 jyly qalamyzda 2000-nan astam oquşyny qamtityn 1 Oquşylar saraiy ıske qosylady. Qosymşa bılım beru ūiymdaryna 1364 orynǧa memlekettık tapsyrys ornatylady.
2022 jyly inkliuzivtı bılım beru boiynşa memlekettık tapsyrys 2021 jylmen salystyrǧanda 12 orynnan 97 orynǧa deiın ūlǧaityldy. «Bılımdı ūlt» sapaly bılım beru» ūlttyq jobasyn ıske asyru aiasynda memlekettık bılım beru tapsyrysy 4800 orynnan 7300 orynǧa deiın ūlǧaidy. Būl körsetkış 2023 jyly 8500 orynǧa deiın köbeiedı.
