Ekonomikanyŋ şikızat emes sektorlarynda öŋırlık käsıpkerlıktıŋ ornyqty jäne teŋgerımdı ösuın qamtamasyz etu, sondai-aq, tūraqty jūmys oryndaryn saqtap qalu jäne jaŋalaryn qūru maqsatynda «Biznestıŋ jol kartasy-2020» baǧdarlamasy ıske asyryluda. Baǧdarlamanyŋ basty mındetı – jaŋa biznes-bastamalardy qoldau, käsıpkerlık sektordy sauyqtyru bolyp tabylady.
Astana qalasynyŋ üdemelı industrialdyq damytu jönındegı üilestıru keŋesınıŋ şeşımımen biyl bırınşı qyrküiekke deiın jalpy somasy 13,2 mlrd teŋgenı qūraityn 78 joba maqūldandy, onyŋ ışınde 76 joba boiynşa nesielerdıŋ paiyzdyq mölşerlemesı subsidiialansa, 9 jobanyŋ nesiesı kepıldendırılıp, bır jobanyŋ öndırıstık infraqūrylymy jaqsartylmaq.
Jalpy, 2013 jylǧa «Biznestıŋ jol kartasy-2020» baǧdarlamasyn jüzege asyru maqsatynda 3 894,6 mln teŋge bölıngen. Mūnyŋ ışınde: bankterdıŋ nesielerı boiynşa paiyzdyq stavkany subsidiialauǧa – 3535,3 mln teŋge, nesielerdı ışınara kepıldendıruge – 70,0 mln teŋge, servistık qoldau boiynşa qyzmetterge 50,0 mln teŋge, memlekettık grantty qarjylandyru maqsatynda – 24,0 teŋge, öndırıstık infraqūrylymdy (industriialyq) damytuǧa 215,3 mln teŋge bölıngen.
– Byltyrǧy jylmen salystyrǧanda, jobalardy qoldau 3-4 esege östı. Maqūldanǧan jobalardyŋ 35 paiyzy önım öndıruge baǧyttalǧan. Qalǧan 65 paiyzy qyzmet körsetu salasyn tolyqtyryp otyr. Atap aitqanda, kölık-logistika – 28,2 pa-iyz, qonaq üi biznesı – 12,5 paiyz, bılım beru – 6 paiyzdy qūraidy. Äsırese, mektepke deiıngı mekemeler jūmysyn ūiymdastyruǧa airyqşa basymdyq berılıp otyr. Densaulyq saqtau ısı 8,8 paiyzdy qūrasa, basqalary 9,4 paiyzdy qamtidy.
Baǧdarlama aiasynda astanalyq käsıpkerlerdı tek qarjylai emes, basqalai qoldau da qarastyrylǧan. Mysaly, konsaltingtık jäne marketingtık qyzmetter körsetumen qatar, ortalyqtandyrylǧan buhgalteriia, zaŋ qyzmetı, aqparattyq tehnologiialar salasynda qyzmet körsetıledı. Biznestı jaŋa bastaǧandardyŋ şyǧarǧan önımınıŋ ne qyzmetımen naryqqa kıru üşın marketingtık zertteuler jürgızuge qoldau bıldıremız, – deidı käsıpkerlık jäne önerkäsıp basqarmasy «Biznestıŋ jol kartasy-2020» baǧdarlamasyn ıske asyru bölımınıŋ basşysy Janar Beskempırova.
Biznestıŋ damuyna kedergı keltıretın mäseleler Keŋestıŋ otyrystarynda ünemı qarastyrylady. Käsıpkerlerden kelıp tüsken 25 ötınım boiynşa elektrmen qamtamasyz etu, jol jöndeu, sumen, kärız jüiesımen qamtamasyz etu, jylu toraptaryn jetkızu siiaqty jūmystarǧa respublikalyq biudjetten baǧdarlama bastalǧan kezeŋnen bastap (2010 j.) 1 577,6 mln teŋge bölındı.
Sonymen qatar, Astana qalasynyŋ üdemelı industrialdyq damu jönındegı üilestıru keŋesı Astana qalasy üşın basym sektorlardy ırıktep aluǧa airyqşa köŋıl böledı. Bügıngı künde qalamyzda dami qoimaǧan biznes türlerı bar. Būl – jekemenşık balalar baqşasy, turizm, qūrylys zattary, tamaq önımı öndırısı.
Käsıpkerlerge de Keŋes tarapynan qoiylatyn talap tastai. Önımderınıŋ sapasynyŋ artuy, bastapqy baǧasynyŋ tömendeuı bırınşı kezekte boluy tiıs. Sonymen qatar, jaŋa aşylǧan jūmys oryndaryna Astana qalasynyŋ Jūmyspen qamtu jäne äleumettik baǧdarlamalar basqarmasynda tırkeude tūrǧan jūmyssyz azamattardy qabyldasa qūba-qūp.
Aigül UAISOVA
