Mereilı mereke qarsaŋynda Qazaqstan Respublikasy Parlamentı Senatynyŋ deputaty Serık Jaqsybekov pen qalalyq mäslihattyŋ deputaty Esenjol Bekışev densaulyqtaryna bailanysty qalada ūiymdastyrylǧan kezdesulerge qatysa almaǧan soǧys ardagerlerınıŋ üilerıne baryp, olardy Jeŋıstıŋ 70 jyldyǧymen qūttyqtady.
Aldymen S.Seifullin köşesınde tūratyn soǧys ardagerı Fedor İvanovich Belokonevtıŋ üiınde bolǧan halyq qalaulylary maidangerdı merekemen qūttyqtap, kır juǧyş maşina men azyq-tülık paketın syiǧa tartty.
Odan soŋ deputattar Ūly Otan soǧysynyŋ ardagerı Aqan Tūrqanov aqsaqaldyŋ üiıne keldı. Ol kısı qonaqtardy kempırımen bırge qarsy aldy. Aqan ata 1925 jyly düniege kelgenın, buyny bekımei jatyp, eŋbekke aralasqanyn, al el basyna kün tuǧan sol bır sūrapyl soǧys jyldarynda äsker qataryna alynyp, sol jerden soǧysqa attanǧanyn, maidan dalasynda Otan üşın jaumen betpe-bet şaiqasqanyn äŋgımelep berdı. Halyq qalaulylary bolsa, barlyq jastyq ǧūmyryn bügıngı beibıt zaman üşın sarp etken maidangerge eŋ ızgı tılekterın jetkızdı. Soŋynan ardagerge zamanaui teledidar men azyq-tülık paketın tapsyrdy.
Maidangerlerdıŋ qai-qaisy bolsyn Elbasynyŋ bügıngı taŋda ardagerlerge körsetıp jatqan qamqorlyqtaryna rizaşylyqtaryn bıldırıp, jastarǧa beibıt aspan astynda baqytty ǧūmyr tıledı.
Qarttardyŋ mereke aldyndaǧy köŋıl-küiı köterıŋkı. Olar deputattarmen emen-jarqyn äŋgımelesıp, özderınıŋ ömır joldary jaily syr şerttı.
Deputat E.Bekışevtıŋ aituynşa, okrugte barlyǧy on üş soǧys ardagerı bar eken. Mereke qarsaŋynda olardyŋ ekeuıne baǧaly syilyqtar tapsyrylsa, qalǧan on bır ardagerge aqşalai syilyqtar jäne jüz şaqty tyl eŋbekkerıne azyq-tülık salynǧan paketter taratyldy. Sūrapyl soǧys jyldarynda ot pen oqtyŋ ortasynda jürıp, el qorǧaǧan jauyngerler qandai qūrmetke de laiyq.
Gülbarşyn ÖKEŞQYZY
