Elordada 30 künge sozylǧan dezinseksiialyq jūmystardyŋ kezektı kezeŋı aiaqtaldy.
Atqarylǧan jūmystardyŋ nätijesıne orai Astana qalasynyŋ Tūtynuşylardyŋ qūqyqtaryn qorǧau departamentımen qosa jalpy aumaǧy 721,8 ga jer, 4 qalalyq saiabaq, Esıl özenınıŋ jaǧalauy jäne 14 qonaq üi keşenı men adamdar köp jüretın 19 aumaq tegıstei öŋdeldı.
Departament qyzmetkerlerınıŋ aituynşa, dezinseksiialyq jūmystardy jürgızuge tiımdı uaqyt – säuır-qyrküiek ailary. Sonymen qatar, elordalyq tūrǧyndar men qala qonaqtaryna qolaisyzdyq tudyrmas üşın öŋdeu jūmystary tüngı uaqytta ötkızıledı. Jūmystyŋ jönımen atqaryluy üşın aldymen masalar köbeietın jerler anyqtalady, sodan keiın öŋdeledı jäne qorǧanys tosqauyly ornatylady. Būdan bölek, qaladaǧy tūrǧyn alaptaryna şybyn-şırkeilerdıŋ tarauyn boldyrmau maqsatynda tūrǧyn üi sektorlarynda dezinseksiia jūmystary qolǧa alyndy.
Al etnomologtar öŋdeu jūmystaryn qajet etetın audandardy anyqtau üşın kün saiyn monitoring jürgızıp otyrady. Mamandardyŋ aituynşa, osy joly masalardyŋ köbeiuın baqylau qiynǧa soǧatyn türı bar. Vedomstvo öŋdeudıŋ kelesı kezeŋın jauyn-şaşynnyŋ jäne küştı jeldıŋ soǧuyna bailanysty toqtatuǧa mäjbür.
Nūrislam QŪSPANǦALİ
