Biylǧy jazdyŋ aptap ystyǧyna şydai almaǧan halyqtyŋ jappai jaǧajailardy toltyryp jatqanyn közımız körıp jür. Astana qalalyq TJD baspasöz qyzmetıne sensek, biylǧy şomylu mausymy bastalǧannan berı elorda su qoimalarynda toǧyz adam suǧa ketken.
Qūtqaruşylardyŋ derekterı boiynşa, jyl saiyn Astana qalasy su qoimalarynda jalpy sany 12-den 25-ke deiın adam köz jūmady eken. Al, osy qaza tapqandardyŋ 99 paiyzy tyiym salynǧan jäne jabdyqtar ornatylmaǧan jerlerde şomylu kesırınen baqilyq bolǧan.
Astana qalasynyŋ suda qūtqaru qyzmetterı jyl saiyn bırneşe adamdy qūtqaryp keledı. Suǧa ketkenderdıŋ köbınde su jūtyp qoiu jäne demı toqtap qalu jaǧdailary kezdesedı. Tıptı, jürek soǧuy toqtap qalǧan kezder de jiı bolyp tūrady eken. Eger, būl adamdar jaǧajaidan alys jerde bolsa, järdemdesetın bılıktı mamandardyŋ bolmauynan ajalǧa ara tüsu qiyndap keter edı. Sol sebeptı, qalalyq qūtqaru qyzmetkerlerı suda özın-özı ūstau erejesın saqtaudy qataŋ eskertedı.
