Keşe elımızdıŋ barlyq oblys ortalyqtary men ülken qalalaryndaǧy jäne audandyq kıtaphanalarda, sondai-aq, joǧary oqu oryndarynda niet tanytqandar «Mäŋgılık el» patriottyq aktısın arqau etıp, qazaq tılınde aşyq diktant jazdy. Qazaqstan Respublikasy Täuelsızdıgınıŋ 25 jyldyǧyna arnalyp, Qazaqstan halqy Assambleiasy bastamaşy bolǧan aksiia Astanadaǧy QR Ūlttyq akademiialyq kıtaphanasynda da öttı.
– Qazaqstan halqy Assambleiasynyŋ HHIV sessiiasynda Elbasynyŋ tapsyrmasymen «Mäŋgılık el» patriottyq aktısı qabyldandy. Onyŋ mätını ötken jyldyŋ mausym aiynda 3 myŋ adamnyŋ qatysuymen ötken patriottyq forumda alǧaş ret talqylandy. Diktanttyŋ taqyryby retınde de patriottyq aktınıŋ qazaqşa nūsqasy alynyp otyr. Būl tekten-tek emes. Bız eŋ aldymen qazaq tılınıŋ, memlekettık tıldıŋ märtebesınıŋ öse tüsuın közdep otyrmyz. Byltyr Qazaqstan halqy Assambleiasynyŋ 20 jyldyǧyna orai «Myŋ bala» jobasyn qolǧa aldyq. Sonda bır jyldyŋ ışınde myŋ balaǧa qazaq tılın üiretıp şyǧarudy basty maqsat etıp qoidyq. Ol joba 235 myŋ balany qamtyp, olardyŋ arasynda özge ūlttardan şyqqan 44 myŋ jetkınşek memlekettık tıldı meŋgerıp şyqty. Memleket basşysy eŋ aldymen memlekettık tıl – qazaqstandyqtardy bırıktıruşı faktor ekenın aitady. Iаǧni, qazaq tılı eldegı ärbır azamattyŋ qoǧamdyq-saiasi ömırge aralasuynyŋ kepılı retınde qarastyrylyp otyr. Bırlıgı jarasqan, eldıgın oilaǧan memlekettıŋ ǧana tuy biıkte jelbırep tūratyny sözsız. Biylǧy täuelsızdıgımızdıŋ 25 jyldyǧy – sonyŋ aiǧaǧy. Är osyndai ıs-şaralarymyz eldıŋ bırlıgıne tıkelei oŋ äserın tigızetın bolady dep senemız, – dedı aksiianyŋ aşyluynda Qazaqstan halqy Assambleiasy Töraǧasynyŋ orynbasary-hatşylyq meŋgeruşısı Eraly Toǧjanov.
Odan keiın söz alǧan memleket jäne qoǧam qairatkerı Myrzatai Joldasbekov «Mäŋgılık el» ideiasynyŋ bastauy qaidan şyqqanyn tarqatyp aityp berdı.
– Adam balasy düniege kelgennen bastap jaqsy ömır sürudı aŋsaidy. Jidelı Baisyn atalǧan jer bızdıŋ ata-babalarymyzdyŋ sol armanyn körsetedı. Būl ideia bır künde tua qalǧan joq. VII-VIII ǧasyrlarda Türık qaǧanaty saltanat qūrdy. Bız sonyŋ qūramynda boldyq. Qaǧanatty qūrǧan Bumyn men Estemı qaǧandar «Bız Mäŋgılık el ornatamyz» degen ideiany alǧaş ret şyǧardy. Sodan 1300 jyl ötkende, täuelsızdıgımızdı qolymyzǧa alyp bergen, memleketımızdı qalyptastyrǧan, Qazaqstandy bükıl älemge tanytqan Elbasymyz sol ideiany jaŋǧyrtty, – dedı M.Joldasbekov.
Amanǧali QALJANOV
