Astana toiyn aişyqtaityn türlı sporttyq jäne mädeni şaralar legı ötken apta soŋynda märesıne jettı. Elordalyqtar jäne qala qonaqtary I halyqaralyq jekpe-jek önerı festivalın, būqaralyq velojarysty, üstel tennisınen «Astana cup – 2015» marafonyn, «EKSPO-2017 jeŋıske jeteleidı» jäne «Astana – esırtkısız qala» aksiialary aiasyndaǧy Saryarqa audanyndaǧy aula klubtary arasynda şaǧyn futboldan jäne basketboldan jarysty, III halyqaralyq «Sahnadan sälem» teatr festivalın, «Naz» memlekettık bi teatrynyŋ konsertın tamaşalady.
JEKPE-JEK JAMPOZDARY
«Däulet» sport keşenınde ötken I halyqaralyq jekpe-jek önerı festivalı elımızdıŋ ǧana emes, Resei, AQŞ, Japoniia, Oŋtüstık Koreia, Chehiia memleketterınıŋ eŋ üzdık sportşylaryn jinady. Olardyŋ qatarynda belgılı Gollivud jūldyzy, aikido aikikaidan 7 dan iegerı Stiven Sigal, akter, käsıpqoi sportşy, «Boks älemı» men «Qaharmandar elı» telejobalarynyŋ jürgızuşısı Sergei Badiuk, erejesız jekpe-jekten bırneşe dürkın älem chempiony Batu Hasikov boldy.
Aikido, djiu-djitsu, kapoeira, budzinkan, tai boksy, karate godziu-riu, şin kali, kendo, taekvondo, vin-chun, şaolin, qoian-qoltyq ūrys sekıldı sporttyŋ 12 türınen ūiymdastyrylǧan jekpe-jekterdıŋ ärqaisysynda osy sport türlerınıŋ maitalmandary öner körsettı.
Mäselen, körermender aikidodan (8 dan) jäne aiki-djitsudan (5 dan) qara beldık iegerı, älemdegı eŋ üzdık jekpe-jek önerınıŋ tälımgerı ataǧy bar Bratislav Staitichtıŋ, djiu-djitsudan bükıl japondyq halyqaralyq federasiiasynyŋ negızın qalauşysy jäne basşysy Aleks Kuninnıŋ, aşa kapoeiradan halyqaralyq mekteptıŋ basşysy, tūtas älemde 25 myŋnan astam şäkırt tärbielep jatqan Markos Antonio da Silvanyŋ, taekvondo şeberı, Oŋtüstık Koreia, Japoniia jäne Qytai qūramasyn Olimpiada oiyndaryna daiyndap jatqan Kim Gi Boktyŋ, uşu-vin-chunnan qytailyq mektep ökılı, osy sport türımen 35 jyldan berı ainalysyp, köp märte chempion atanǧan Li Hang Cheongtıŋ şeberlıgıne qol soqty.
Sondai-aq, 495 jyly Ortalyq Qytaida qūrylǧan buddalyq Şaolin monastyry monahtarynyŋ delegasiiasy da festival qonaǧy boldy.
Qazaqstandyq sportşylar tai boksy men qoian-qoltyq ūrysty qalai meŋgergenderın körsettı. Atalǧan jekpe-jek türlerınıŋ jergılıktı federasiiasynyŋ tärbielenuşılerı joǧary şeberlık tanytty.
Şarşy kılemde özara küş synasqan qonaqtar Oquşylar saraiynda şyǧys jekpe-jekterımen ainalysyp jürgen oquşylarǧa şeberlık sabaqtaryn ötkızdı. Stiven Sigal Qazaqstanda mektep aşuǧa nietı baryn jetkızdı.
ELORDALYQTAR ERŞIKKE OTYRDY
Elordada 2008 jyldan berı Astana kubogy üşın ūiymdastyrylyp kele jatqan velojarys kezektı märte ötkızıldı. Būqaralyq velojarysqa «Astana» velokomandasynyŋ maitalmandary, estrada jūldyzdary, mädeniet qairatkerlerı, qoǧamdyq ūiymdar ökılderı, qala tūrǧyndary men qonaqtary qatysty.
«Saltanat saraiynyŋ» aldynan bastau alyp, «Astana-Arena» stadionynyŋ aldynda märesıne jetken velododa 4600 metr qaşyqtyqqa sozyldy. Märe syzyǧyn bırınşı bolyp kesıp ötken qatysuşylarǧa velosiped, noutbuk jäne teledidar syndy baǧaly syilyqtar tabys etıldı. Velojarysqa eŋbektegen baladan eŋkeigen qariiaǧa deiın qatysty dep aituǧa tūrady. Mäselen, eŋ jas qatysuşy – üş jasar Alina Äliqyzy, eŋ eresegı 68 jastaǧy Jaqsybai Aiymbetov aqsaqal boldy.
Velojarys barysynda körermender arasynda oiyndar ūiymdastyrylady. QR velosport federasiiasy «Astana» velokomandasynyŋ beldı müşelerınıŋ qoltaŋbasy jazylǧan futbolkalardy syilady. Konserttık baǧdarlama jinalǧandardyŋ köŋılın köterdı.
Şaraǧa qatysuşylardyŋ arasynan tabylǧan Astana qalasy äkımınıŋ orynbasary Ermek Amanşaev «Bügıngı künı qalamyzda velosport öte tanymal sport türıne ainaldy. Jarysqa üş myŋnan astam adamnyŋ qatysuy – sonyŋ aiqyn dälelı. Jalpy, Memleket basşysynyŋ qoldauynyŋ arqasynda bügınde elordada barlyq sport türlerı qarqyndy damyp keledı. Alda kele jatqan Astana künımen barşaŋyzdy qala äkımınıŋ atynan qūttyqtaimyn» dep, ızgı lebızın bıldırdı.
TALAIDY BETTESTIRGEN TURNİR
«Alau» mūz aidyny saraiynda ötken üstel tennisınen «Astana cup – 2015» marafonyna qatysuşylardyŋ sany artyp keledı. Jarystyŋ jülde qory da qomaqty. Mäselen, byltyr tūŋǧyş ret ötkızılgen marafonǧa myŋnan astam adam qatysyp, jeŋımpazdar bır million teŋge kölemındegı aqşalai syilyqty enşılegen.
Biyl turnir ädıbı bırşama özgerdı demesek, jülde qory sol mölşerde saqtaldy. Jarys olimpiadalyq jüie boiynşa ötkızıldı. Onda erler men äielder öz toptarynda bäsekege tüstı. Jas mölşerıne de şekteu qoiylmady. Būl sport türın äuesqoilyq deŋgeide meŋgerıp, ūlttyq qūramaǧa kırmeitın, resmi turnirler men chempionattarǧa qatyspaǧan adamdar ǧana jarysqa qatystyryldy.
Jarys barysyn aita ketsek, 1/8 finalyna joldama alǧan 16 adamǧa Jazǧy ortalyqqa tegın kıruge sertifikattar taratyldy. Şirek finalǧa ötken 8 qatysuşyǧa da osyndai syilyqtar ülestırıldı. Jartylai finalda joly bolmaǧandarǧa «Alau» mūz aidyny saraiynyŋ fitnes klubyn bır ai boiy paidalanuǧa abonement berıldı. Al būl kezeŋde jeŋıske jetkenderge 2 ailyq abonementke qol jetkızdı. Bırınşı oryn iegerı qarjylai syilyqpen qosa Mūz saraiynda bır jyl boiy armansyz syrǧanauǧa mümkındık aldy.
Būl marafonǧa tūŋǧyş ret qatysqan jas aqyn Oljas Qasymdy sözge tarttyq. «Äp-sätte ekı adamdy jeŋıp, üşınşısınen jeŋıldım. Bıraq, ökınış joq. Eŋ bastysy, ülken dodaǧa kırıp, būl sport türınen täjıribe jinaqtadym. Būǧan qosa, jarys barysynda önerpazdardyŋ önerı qūlaq qūryşymdy qandyrdy. Osyndai atmosferada sportpen ainalysqannyŋ özı ǧanibet eken. Jalpy, būl turnirdıŋ bererı mol. Tennis jarysynda mümkındıgı şekteulı jandar da oinady. Aiaq-qolynda kemıstıgı bolsa da olar oiyn oinap, salauatty ömır saltyn nasihattap jürgende on ekı müşemız sau bızdıŋ sportpen şūǧyldanbaǧanymyz qalai degen oi keldı. Är qaladan kelgen qatysuşylarmen tanysyp, bılısıp qaldyq. Alaida, osy jarys jylyna bır-aq ret ūiymdastyrylady. Menıŋşe, būl az. Jylyna eŋ qūryǧanda üş-tört märte ūiymdastyrylsa, nūr üstıne nūr bolar edı» deidı ol.
BALǦYN SPORTŞYLAR BÄSEKESI
Bır aptadai uaqytqa sozylǧan «EKSPO-2017 jeŋıske jeteleidı» jäne «Astana – esırtkısız qala» aksiialary aiasyndaǧy Saryarqa audanyndaǧy aula klubtary arasynda şaǧyn futboldan jäne basketboldan jarys jalpy alǧanda 70 komandanyŋ basyn qosty. Äsırese, şaǧyn futbol komandalarynyŋ qarasy mol bolyp, eluge deiın jettı. Al, basketboldan jiyrma komanda jinaldy.
Turnir qorytyndysynda şaǧyn futboldan balalar tobynyŋ (7-13 jas) arasynda «Marǧūlan» komandasy top jardy. Jasöspırımder tobynda (14-17 jas) «188» komandasy jeŋıske jettı.
Basketboldan da qyzdardan qūralǧan «Marǧūlan» komandasyna teŋ keler eşkım tabylmady. Al, ūldar arasynda «Jylauyqtarǧa» qarsylas şaq kelmedı.
Būl jarystarǧa demeuşı bolǧan «Astana EKSPO-2017» ūlttyq kompaniiasy atynan syilyqtar ülestırıldı. Marapattau räsımın kompaniianyŋ atqaruşy direktory Saltanat Rahymbekova jürgızdı. Būǧan qosa, «Üzdık oiynşy», «Üzdık qorǧauşy», «Üzdık şabuylşy» jäne «Üzdık qaqpaşy» atanǧandardy QR sport şeberı, «Astana» basketbol kluby men Qazaqstan ūlttyq qūramasynyŋ kapitany Rustam Erǧaliev pen halyqaralyq därejedegı töreşı Ainar Ahmeilov marapattady. Saryarqa audanynyŋ äkımı Ermaǧambet Bölekbaev söz söilep, jinalǧandardy Astana künımen qūttyqtady.
Sondai-aq, balalar men jasöspırımder arasynda suret salu baiqauy ūiymdastyryldy. №1 balalar mektebınıŋ öner ūjymdary merekelık köŋıl-küi syilady.
SAHNADAN JOLDANǦAN SÄLEMNIŊ SABAǦY
Mäskeu Guberniialyq teatrynyŋ «Sirano de Berjerak» dramasymen şymyldyǧyn türgen III halyqaralyq «Sahnadan sälem» teatr festivalı S.Mūqanov atyndaǧy Soltüstık Qazaqstan oblystyq Qazaq muzykalyq-drama teatrynyŋ «Qara şekpen» qoiylymymen jabyldy.
Festivaldı aşqan spektakldı elordaǧa Resei halyq ärtısı Sergei Bezrukov alyp keldı. Sarapşylar arasynda bolǧan belgılı teatr mamany Erkın Juasbektıŋ pıkırınşe, ruhani şaranyŋ män-maŋyzyn naqty osy qoiylym arttyra tüstı. Dramanyŋ basty erekşelıgın de aita ketsek, ony köru qabıletı naşar jäne zaǧip jandar tiflokommentator qūrylǧysynyŋ kömegımen tamaşalai aldy.
Taǧy bır şetelden kelgen öner ūjymy – Tbilisidıŋ A.Griboedov atyndaǧy memlekettık akademiialyq Orys drama teatry elordalyq körermennıŋ nazaryna Lev Tolstoidyŋ povesı negızınde «Holstomer. İstoriia loşadi» spektaklın şyǧardy. Uaqiǧa jelısı qoiylymnyŋ basty keiıpkerlerı – ala azban jäne sabyrlyq, jomarttyq jäne tözımdılık ülgısın körsetken Holstomer beinesı arqyly örbidı.
Festivalge qatysqan elımızdegı teatrlarǧa kelsek, M.Äuezov atyndaǧy memlekettık akademiialyq Qazaq drama teatry İran Ǧaiyptyŋ «Qorqyttyŋ körı» dramasyn ūsyndy. Teatr direktory Erlan Bıläldıŋ aituynşa, festivaldı ūiymdastyruşylar däl osy qoiylymdy attai qalap alǧan. Aita ketetın jait, mūnda bas keiıpkerdıŋ rölın tanymal ärtıs Dulyǧa Aqmolda somdaidy. Özıne jüktelgen röldı mınsız oinap şyqqan akter Täŋırge qarsy şyǧyp, aqyry jaratuşy ükımımen qyryq jasynda ölımge kesılgen Qorqyt beinesı arqyly Qūdai barlyǧyna köz jetkızedı. Būl qoiylymnyŋ elordalyqtarǧa tura Ramazan aiynda ūsynyluy körermen äserın odan ärı küşeite tüstı.
Taǧy bır almatylyq ūjym – N.Sas atyndaǧy memlekettık akademiialyq Balalar jäne jasöspırımder teatry «İnkognito iz Peterburga» muzykalyq fantaziiasyn sahnalady.
Joǧarydaǧy avtordyŋ «Estaidyŋ Qorlany» dramasyn B.Rimova atyndaǧy Taldyqorǧan drama teatry körsettı. Mūnda belgılı änşı, kompozitor, Arqa änşılık önerınıŋ beldı ökılı Estai Berkımbaiūlynyŋ süiıktısıne degen şeksız mahabbaty jaiynda baiandalady. T.Ahtanov atyndaǧy Aqtöbe oblystyq drama teatry özı atyn ielenıp otyrǧan jazuşy-dramaturgtıŋ «Mahabbat mūŋy» qoiylymymen körermen jüregınıŋ qylyn şerttı.
N.Jantörin atyndaǧy Maŋǧystau oblystyq muzykalyq-drama teatry «Abylaihan» jäne Türkıstan muzykalyq-drama teatry «Handyq amanat» tarihi qoiylymdaryn sahnalady. Būl qoiylymdardy öner ūjymdarynyŋ biylǧy Qazaq handyǧynyŋ 550 jyldyǧyna tartuy dep ūqtyq.
Elordalyq teatrlarǧa kelsek, Q.Quanyşbaev atyndaǧy memlekettık akademiialyq Qazaq muzykalyq-drama teatry jaqynda ǧana premerasy ötken «Şoqan», «Jastar» teatry «Aqymaq bolǧan basym-ai», M.Gorkii atyndaǧy memlekettık akademiialyq Orys drama teatry «Iаzychniki» qoiylymdarymen körermenderdı täntı ettı.
Festivaldıŋ bır paidaly jaǧyn da aita ketsek, är spektakl soŋynda talqylau ötıp, sarapşy-mamandar öner ūjymdarynyŋ nazaryn qoiylymdardyŋ artyq-kem tūstaryna audardy. Ädıl syn qaşanda artyq bolmaidy. Endeşe, festivalge qatysqan teatrlar sol synnan keiın şiryǧa tüser dep oilaimyz.
«NAZ» MEREITOIYN ATAP ÖTTI
«Naz» memlekettık bi teatry özınıŋ 15 jyldyǧyn «Qazaqstan» ortalyq konsert zalynda ötken konsertpen dürkıretıp atap öttı. Bi önerınıŋ äraluan ülgılerın elımız tügılı älem sahnalarynda paş etken öner ūjymynyŋ repertuary künnen künge ūlǧaiyp, qanatyn keŋge jaiuda. Teatr qorjynynda qazaqy bilerımen qatar dünie jüzı halyqtarynyŋ da bilerı jetkılıktı. Jeke bi spektaklderı de barşylyq. Konsertte ūjym osynyŋ bärın körermennıŋ nazaryna şyǧardy.
«Şejıre – bi tılımen örnektelgen» atauymen ötetın konsertte «Naz» memlekettık bi teatrynyŋ repertuaryndaǧy jaŋa bi qoiylymdary körermenge jol tartty. Konserttık baǧdarlama Qazaq handyǧynyŋ – 550 jyldyǧy, Ūly Jeŋıstıŋ – 70 jyldyǧy, Qazaqstan halqy assambleiasynyŋ – 20 jyldyǧy syndy memlekettık maŋyzdy mereitoilardy qamtyp, atalǧan merekeler än-jyrǧa arqau boldy.
Konsert barysynda bi ūjymymen bırge estrada änşılerı Tamara Asar, Ardaq Balajanova, Aigül İmanbaeva, Janar Aijanova, Marjan Arapbaeva, elordalyq «Jastar» teatry, «Pai-pai» ūlttyq aspapty toby öner körsettı.
