Astanada ortalyqtandyrylǧan jylumen jabdyqtau jüiesıne qosylǧan 2455 äleumettık nysannyŋ 2335-ı nemese onyŋ 90,5 paiyzy jylytu mausymyna daiyn. Oǧan 2146 tūrǧyn üi, 28 densaulyq saqtau, 152 bılım nysany jäne 9 mädeniet mekemesı kıredı.
Astana qalasy Energetika basqarmasynyŋ habarlauynşa, 2016-2017 jyldary jylytu mausymy bastalǧanşa energokeşen tolyqtai daiyndyq tölqūjatyn alady, al basqa äleumettık nysandar men tūrǧyn üiler 100 paiyz daiyn bolady.
Aldaǧy jylytu mausymyna daiyndyq pen energokeşendı tehnikalyq aqausyz jaǧdaidy saqtau aiasynda «Astanaenergoservis» AQ kürdelı jöndeu jūmystaryn qolǧa aldy.
«Astana-Energo» AQ basty jäne qosalqy jabdyqtaryn jöndeu bekıtılgen kestege sai jürgızılıp jatyr. Qazırgı kezde JEO-1 – 85%, JEO-2 – 73%, al audandyq qazandyqtar 88 paiyz daiyn eken.
«Astana-Teplotranzit» AQ kürdelı jöndeu baǧdarlamasy boiynşa 1,15 şaqyrym magistraldı jelı qaita jöndeldı. Qazırgı kezde ūzyndyǧy 1,432 şaqyrym taratu jelısın kürdelı jöndeu jäne 3 698 şarşy metrlık qūbyrdyŋ jylu oqşaulaǧyşy qalpyna keltırıldı.
Sonymen bırge, «Astana-REK» AQ-da 110 kV-tyq äue jelısın kürdelı jöndeu, 10 kV-tyq jäne 0,4 kV-tyq äue jelılerı men jabdyqtardy qalpyna keltıru jūmystary jürgızılude.
