Astanada ekı qolǧa bır kürek tabu qiyn emes. Ai saiyn ötetın bos jūmys oryndary järmeŋkesınde kadr bölımınıŋ qyzmetkerlerı jūmyssyzdardy özderı ızdep şyǧady. Mäselen, künı keşe M.Ötemısūly atyndaǧy Oquşylar saraiyna jinalǧan 600-ge juyq qala tūrǧyny bırneşe jerge tüiındeme qaldyryp, jūmys beruşılermen tıkelei tıldesuge mümkındık aldy.
Būl – jyl basynan berı Jūmyspen qamtu ortalyǧynyŋ ūiymdastyruymen ötken jetınşı järmeŋke. Mūnda bılım beru mekemelerı, densaulyq saqtau ūiymdary, qūrylys firmalary, ışkı ıster organdary men qyzmet körsetu kompaniialary sekıldı 50-den asa jūmys beruşı 500 vakansiia ūsyndy. Atalmyş şaranyŋ eŋbek naryǧyna qosar ülesı barşylyq. Resmi mälımetterge süiensek, aldyŋǧy järmeŋkelerdıŋ arqasynda 222 azamat tūraqty jūmysqa tūrypty.
Bos orynnyŋ köbı qūrylysşylarǧa, mektepke deiıngı mekeme tärbieşılerıne, därıgerlerge tiesılı. Mysaly, jaŋadan aşylǧan öndırıs orny tehnikalyq mamandarǧa sūranys bıldırıp otyr. «Bır saǧat ışınde şamamen 30 adam keldı. 15 şaqty tüiındeme qyzyqtyryp ülgerdı. Basty talabymyz – joǧary bılım. Al tehnolog, injener-qūrylysşylardyŋ öndırıs ornyndaǧy eŋbek ötılıne mındettı türde qaraimyz» deidı Rauşan Seitqalieva esımdı kadr bölımınıŋ qyzmetkerı. Onyŋ aituynşa, järmeŋkege jarnama jetıspeidı. Iаǧni, jūmyssyz jürgen käsıbi bılıktı mamandardy köptep tartu üşın qandai mamandyq boiynşa bos oryndar baryn astanalyqtarǧa aldyn ala habarlau kerek degen tılegın bıldırdı.
Al, äskeri biletı bar jäne zaŋ salasyna qatysty joǧary bılım alǧan azamattar būl künı Astana qalasy Işkı ıster departamentınıŋ üstelıne kezekke tūrdy. Olarǧa polisei, kinolog, jürgızuşı, uchaskelık inspektordyŋ kömekşısı, tergeuşı, kriminalist, jedel uäkıl syndy qyzmetkerler qajet eken. «Osy jerden qabyldai salmaimyz. Äuelı äŋgımelesuge şaqyramyz. Qūjattaryn tügendeimız. Därıgerlık tekseruge jıberemız. Fizikalyq daiyndyǧyn, bılımın synaimyz. Qorytyndyǧa qarap konkurstyq negızde taŋdaimyz. Eger eŋbek ötılı joq jas maman bolsa, 3 ai taǧylymdamadan ötıp, bastapqy daiyndyq baǧdarlamasyn 2 ai oqidy» deidı qadr bölımınıŋ basşysy, polisiia podpolkovnigı Marat Qonaqbaev.
Jūmyspen qamtu ortalyǧy habarlaǧandai, bos jūmys oryndar järmeŋkesınıŋ nätijesınde 223 adam äŋgımelesuge jıberıldı. Jalpy, biyl 3 710 adam jūmysqa ornalasqan. 1079-y qoǧamdyq jūmysqa kırıstı, 540 adam käsıbi daiarlau, qaita daiarlau jäne bılıktılıktı arttyru kurstarynan öttı. Būdan basqa, 284 adam jastar praktikasyna, 101 adam äleumettık jūmys oryndaryna joldama aldy.
Mädina JAQYP
